Honda ही एक लोकप्रिय वाहन उत्पादक कंपनी आहे. या कंपनीने आपल्या ग्राहकांसाठी आतापर्यंत नवनवीन एसयूव्ही, सेडान आणि हॅचबॅक कार्स बाजारात लॉन्च केल्या आहेत. त्यामध्ये आपल्याला नवीन फीचर्स आणि अपडेटेड इंजिन आणि अन्य गोष्टी पाहायला मिळतात. होंडा कार्स इंडिया लिमिटेड (एचसीआयएल) या कंपनीने एक नवीन मोठी घोषणा केली आहे. तर ही घोषणा नेमकी काय आहे याबद्दल अधिक माहिती आपण जाणून घेऊयात.
देशातील एक लोकप्रिय वाहन उत्पादक कंपनी असणाऱ्या होंडा कार्स इंडिया लिमिटेड (HCIL) कंपनीने एक घोषणा केली आहे. कंपनीच्या आगामी लॉन्च होणाऱ्या SUV ला Honda Elevate असे नाव देण्याची घोषणा होंडा कंपनीने केली आहे. Elevate ही कंपनीची नवीन माध्यम आकाराची एसयूव्ही आहे. या एसयूव्हीचा पुढील महिन्यामध्ये भारतात वर्ल्ड प्रीमिअर होणार आहे. हे मॉडेल जागतिक मॉडेल म्हणून विकसित करण्यात आले आहे.
ऑल न्यू एलिव्हेट हे मॉडेल एक आदर्श शहरी एसयूव्ही लॉन्च करण्याच्या कंपनीच्या प्रयत्नांचे प्रतिनिधित्व करते. जे जीवनामध्ये चांगल्या गोष्टींसाठी आकर्षित करते. जगभरातील एसयूव्ही ची मागणी पूर्ण करण्यासाठी होंडा एलिव्हेट हे नवीन जागतिक मॉडेल म्हणून विकसित करण्यात आले आहे. नवीन मॉडेलमध्ये लोकांच्या जीवनशैलीच्या गरजा आणि होंडाच्या नवीन एसयूव्ही बद्दलच्या त्यांच्या अपेक्षांचा समावेश करण्यात आला आहे. भारत ही पहिली बाजारपेठ असणार आहे जिथे Hoonda Elevate लॉन्च होणार आहे.
