पीटीआय, नवी दिल्ली

देशातील आठ महानगरांत यंदा जानेवारी ते मार्च तिमाहीत नवीन घरांच्या पुरवठ्यात घट नोंदविण्यात आली आहे. पहिल्या तिमाहीत ६९ हजार १४३ नवीन घरांचा पुरवठा झाला आहे. गेल्या वर्षातील पहिल्या तिमाहीच्या तुलनेत हा पुरवठा १५ टक्क्यांनी कमी आहे.

MP 60 Plus Years Old Dalit couple Tied To Pole Beaten By Villagers
खांबाला बांधलं, बेदम मारलं आणि मग.. ६५ वर्षांचे वडील व ६० वर्षांच्या आईला भोगावी लागली लेकाच्या गुन्ह्याची शिक्षा,घडलं काय?
Increase in dengue cases in the state in last five years Mumbai
गेल्या पाच वर्षांत राज्यात डेंग्यूच्या रुग्णांमध्ये वाढ; मात्र मृत्यूच्या संख्येत घट
state bank increase interest rate on fixed deposits
स्टेट बँकेकडून ठेवींच्या व्याजदरात वाढ
murari panchal
गोष्ट असामान्यांची Video: ‘हा’ भाऊ एसटी प्रवाशांच्या मदतीसाठी सदैव असतो तत्पर!
LIC first installment income from new customers hits 12 year high with Rs 12383 crore in April up 113 percent
एलआयसीचे नवीन ग्राहकांच्या पहिल्या हप्त्यापोटी उत्पन्न १२ वर्षांच्या उच्चांकी; एप्रिल महिन्यात १२,३८३ कोटींसह ११३ टक्के वाढ
139 passengers died after falling from the local train in three months
लोकलमधून पडून तीन महिन्यांत १३९ बळी ; रखडलेले प्रकल्प, मर्यादित फेऱ्यांमुळे जीवघेण्या प्रवासाची वेळ
84 thousand electricity connections have been provided to customers of all categories in last year
नागपूर: वर्षभरात ८४ हजार नवीन वीज जोडण्या; ई- वाहनांच्या चार्जिंग स्टेशनसाठीही…
Dilemma of onion growers for 14 months in last five years
गेल्या पाच वर्षांतील १४ महिने कांदा उत्पादकांची कोंडी

बांधकाम क्षेत्रातील कुशमॅन अँड वेकफिल्ड या सल्लागार संस्थेने देशातील आठ महानगरांतील मालमत्ता क्षेत्राचा तिमाही अहवाल जाहीर केला आहे. यानुसार बंगळूरु आणि मुंबई या शहरांत नवीन घरांचा पुरवठा वाढला आहे. मात्र, दिल्ली, चेन्नई, हैदराबाद, पुणे, कोलकाता आणि अहमदाबाद या शहरांत नवीन घरांच्या पुरवठ्यात घट झाली आहे. पहिल्या तिमाहीत नव्याने सुरू झालेल्या गृह प्रकल्पांपैकी ३४ टक्के प्रकल्प आलिशान घरांचे आहेत. नवीन गृह प्रकल्पांमध्ये सूचिबद्ध आणि मोठ्या विकासकांचे प्रमाण ३८ टक्के आहे.

हेही वाचा >>> ‘क्रिप्टो सम्राट’ सॅम बँकमन-फ्राइडला २५ वर्षांच्या कारावासाची शिक्षा

यंदा पहिल्या तिमाहीत ६९ हजार १४३ नवीन घरांचा पुरवठा झाला. गेल्या वर्षी पहिल्या तिमाहीत तो ८१ हजार १६७ होता. बंगळूरुमध्ये नवीन घरांचा पुरवठा ७ हजार ७७७ वरून वाढून ८ हजार ८४८ वर पोहोचला आहे. तसेच मुंबईतही नवीन घरांचा पुरवठा १९ हजार ६३ वरून १९ हजार ४६१ वर पोहोचला आहे. पुण्यात गेल्या वर्षी नवीन घरांचा पुरवठा १३ हजार ८०६ होता. यंदा पहिल्या तिमाहीत तो ११ हजार ३५८ वर घसरला आहे. अहमदाबादमध्ये गेल्या वर्षी पहिल्या तिमाहीत नवीन घरांचा पुरवठा ४ हजार ९०१ होता, तो यंदा पहिल्या तिमाहीत ४ हजार ५२९ वर आला. चेन्नईत नवीन घरांचा पुरवठा ८ हजार १४४ वरून ५ हजार ४९० वर आला असून, दिल्लीत तो ७ हजार ८१३ वरून ३ हजार ६१४ वर घसरला आहे, असे अहवालात नमूद करण्यात आले आहे.

गेल्या वर्षभरापासून आलिशान आणि महागड्या घरांना मागणी वाढत आहे. घरांमध्ये ग्राहकांच्या वाढलेल्या गुंतवणुकीचे हे निदर्शक आहे. आगामी काळात मोठ्या विकासकांकडून आलिशान घरांचे प्रकल्प उभारण्याचे प्रमाण वाढत जाईल.- शालिन रैना, व्यवस्थापकीय संचालक (निवासी सेवा), कुशमॅन अँड वेकफिल्ड