scorecardresearch

Premium

‘बिटकॉइन’चे मोल पुन्हा ४४ हजार डॉलरवर !

२०२३ सालात बिटकॉइनचे मूल्य १६० टक्क्यांहून अधिक वधारले आहे.

bitcoin value, cryptocurrency, 44 thousand dollars
‘बिटकॉइन’चे मोल पुन्हा ४४ हजार डॉलरवर !

मुंबई: बिटकॉइन या आभासी चलनाने बुधवारच्या सत्रात पुन्हा एकदा मार्च २०२२ मधील ४४ हजार डॉलरची उच्चांकी पातळी गाठली आहे. जागतिक बाजारात एका बिटकॉइनचे मूल्य ४४,१६५ अमेरिकी डॉलरवर पोहोचले असून, भारतीय रुपयात सध्या एका बिटकॉइनचे मूल्य सुमारे ३६ लाख ७९ हजार रुपये झाले आहे.

विशेष म्हणजे, २०१० मध्ये एका बिटकॉइनचे मूल्य भारतीय रुपयात फक्त ८ रुपये इतके होते. गेल्या काही दिवसांत या आभासी चलनाच्या मूल्यात वेगाने वाढ झाली आहे. कॉइनमार्केट कॅपच्या माहितीनुसार, बुधवारी पुन्हा एकदा बिटकॉइनचे मूल्य ४४ हजार अमेरिकी डॉलरच्या पुढे गेल्याने तमाम अर्थविश्वाचे डोळे विस्फारले गेले आहेत. २०२३ सालात बिटकॉइनचे मूल्य १६० टक्क्यांहून अधिक वधारले आहे. जगातील मोठे क्रिप्टो एक्सचेंज हे मोठ्या धक्क्यांमधून सावरत असताना हे घडणे विशेष लक्षणीय मानले जात आहे. जागतिक पातळीवरील ‘एफटीएक्स’ हे क्रिप्टो एक्स्चेंज दिवाळखोरीच्या प्रक्रियेतून जात आहे, तर दुसरे क्रिप्टो एक्स्चेंज बायनान्स विरुद्ध खटला सुरू आहे.

Opportunities for the unemployed Recruitment for more than 20 thousand vacancies
बेरोजगारांना संधी! २० हजारांपेक्षा जास्त रिक्त पदांवर भरती!
mumbai air pollution marathi news, flu patients rise in mumbai, flu patients increased in mumbai, flu patients increased by 20 to 30 percent in mumbai
मुंबई : वायू प्रदूषणामुळे मागील काही दिवसांत फ्लूच्या रुग्णसंख्येत २० ते ३० टक्क्यांनी वाढ
Nigeria currency
विश्लेषणः नायजेरियाचे चलन विक्रमी पातळीवर घसरले; नेमके कारण काय?
77 percent increase in cancer patients by 2050 due to air pollution
वायूप्रदूषणामुळे २०५० पर्यंत कर्करोग रुग्णांमध्ये ७७ टक्क्यांनी वाढ

हेही वाचा… व्याजदर स्थिर राहण्याचा अंदाज रिझर्व्ह बँकेच्या पतधोरण समितीच्या द्वैमासिक बैठकीस सुरूवात

जगातील काही देशांमध्ये बिटकॉइनला कायदेशीर मान्यता देण्यात आली आहे. भारतात मात्र बिटकॉइनला कोणत्याही प्रकारची कायदेशीर मान्यता नसली, तरी मोठ्या करांच्या भाराची त्या व्यवहारांवर जरब आहे. अर्थमंत्रालय आणि रिझर्व्ह बँकेनेदेखील सर्वसामान्य गुंतवणूकदारांना याबाबत सावधगिरी बाळगण्याचे आवाहन केले आहे. कारण रिझर्व्ह बॅंकेसारख्या कोणत्याही मध्यवर्ती बॅंकेचे या चलनावर आणि त्याच्या व्यवहारांवर नियंत्रण वा नियमन नाही. तरी जगभरासह भारतात देखील बिटकॉइनच्या साहाय्याने व्यवहार सुरू आहेत. त्यामुळे बिटकॉइन हा एक गुंतवणुकीचा पर्याय होऊ पाहत आहे.

Latest Comment
View All Comments
Post Comment

मराठीतील सर्व अर्थवृत्त बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Bitcoin value reached again at 44 thousand dollars print eco news asj

First published on: 07-12-2023 at 12:00 IST

संबंधित बातम्या

तुम्ही या बातम्या वाचल्या आहेत का? ×