नवी दिल्ली : आर्थिक वर्ष २०२३-२४ मध्ये क्रेडिट कार्डच्या माध्यमातून हो on णारा खर्च २७ टक्क्यांनी वाढून १८.२६ लाख कोटींवर पोहोचला आहे, जो आधीच्या आर्थिक वर्षात १४ लाख रुपये होता, असे रिझर्व्ह बँकेच्या ताज्या आकडेवारीवरून समोर आले आहे. सरलेल्या मार्च महिन्यात क्रेडिट कार्डवरील खर्च सुमारे १०.७ टक्क्यांनी वाढून फेब्रुवारीमधील १.४९ लाख कोटींवरून १.६४ लाख कोटींवर पोहोचला आहे.

हेही वाचा >>> दुप्पट उद्गम कर-भार ३१ मेपर्यंत शिथिल

fitch opinion over significant rbi dividend to govt as positive for india s rating
रिझर्व्ह बँकेसाठी भविष्यात एवढे विक्रमी लाभांश हस्तांतरण अशक्य – फिच  
Prajwal revanna diplomatic passport
प्रज्ज्वल रेवण्णा डिप्लोमॅटिक पासपोर्टच्या बळावर देशातून फरार; हा पासपोर्ट कोणाला मिळतो?
Paytm loss at five and a half billion
पेटीएमचा तोटा साडेपाच अब्जांवर; रिझर्व्ह बँक निर्बंधांचा पुढच्या तिमाहीतही फटका बसण्याचे संकेत
Economy momentum from the first quarter Optimism in Reserve Bank Monthly Bulletin
अर्थव्यवस्थेला गतिमानता पहिल्या तिमाहीपासूनच! रिझर्व्ह बँकेच्या मासिक पत्रिकेत आशावाद
Indian exports up 1 07 percent in april trade deficit at 4 month high
 व्यापार तूट ४ महिन्यांच्या उच्चांकी; एप्रिलमध्ये १९.१ अब्ज डॉलरवर
cut job in walmart
‘वॉलमार्ट’मध्ये नोकरकपातीचे वारे
Google I/O 2024 Updates Today in Marathi
Google I/O 2024: तुमच्या कुटुंबाच्या आवडीनिवडी आणि बजेट समजून घेऊन सुट्टीचे प्लानिंगही करेल गुगल जेमिनाय AI!
उद्योगधंद्यांच्या कर्जात वाढ, तर मार्चमध्ये  वैयक्तिक कर्जात  घट; ‘केअरएज रेटिंग्ज’च्या अहवालात बँकिंग व्यवसायाबाबत आश्वासक चित्र

मार्चमध्ये आर्थिक वर्षाच्या शेवटी आणि सणासुदीच्या काळात क्रेडिट कार्डच्या माध्यमातून होणाऱ्या खर्चात वाढ होते. एकूण १.६४ लाख कोटींपैकी, मार्च २०२४ मध्ये देशातील विक्रेत्यांकडील ‘पॉईंट ऑफ सेल’ व्यवहार फेब्रुवारीमधील ५४,४३१.४८ कोटींवरून ६०,३७८ कोटीपर्यंत वर पोहोचले. दरम्यान, ई-कॉमर्स माध्यमातून होणारे व्यवहार ९५ हजार कोटींवरून १.०५ लाख कोटींपर्यंत वधारले आहेत.

हेही वाचा >>> Amit Shah Investment: अमित शाह यांच्याकडे कुठल्या कंपनीचे किती शेअर्स आहेत माहीत आहे?

आघाडीच्या कंपन्यांमध्ये, एचडीएफसी बँकेच्या क्रेडिट कार्डचा वापर करून ४३,४७१.२९ कोटी रुपयांचे व्यवहार झाले, जे फेब्रुवारीमधील ४०,२८८.५१ कोटी रुपयांच्या तुलनेत ८.५७ टक्क्यांनी जास्त आहे. त्याचप्रमाणे, ॲक्सिस बँक कार्डच्या माध्यमातून या कालावधीत १८,९४१.३१ कोटींचे व्यवहार पार पडले. त्यात ८.०५ टक्के वाढ नोंदवली. आयसीआयसीआय बँकेच्या क्रेडिट कार्डचा वापर फेब्रुवारीमध्ये २६,८४३.०३ कोटी रुपयांच्या तुलनेत १४.४९ टक्क्यांनी वाढून ३०,७३३.११ कोटी रुपयांवर पोहोचले आहे. तर एसबीआय कार्डचे व्यवहार ७.३२ टक्क्यांनी वाढून २४,९४९.१७ कोटी रुपयांवर पोहोचले आहेत. मार्च २०२४ मध्ये भारतातील बँकांनी वितरित केलेल्या एकूण क्रेडिट कार्डांची संख्या १०.१ कोटींवर पोहोचली आहे. एचडीएफसी बँकेने सर्वाधिक २.०५ कोटी क्रेडिट कार्ड वितरित केले आहे. त्यापाठोपाठ एसबीआय कार्डने १.८८ कोटी, आयसीआयसीआय बँक १.६९ कोटी आणि ॲक्सिस बँकेने १.४२ कोटी कार्ड वितरित केले आहेत.