scorecardresearch

Premium

अमेरिकेतील प्रसिद्ध गुंतवणूकदार चार्ली मुंगेर यांचे निधन, वयाच्या ९९ व्या वर्षी घेतला जगाचा निरोप

चार्ली मुंगेर यांच्या मृत्यूनंतर आपली पहिली प्रतिक्रिया देताना बर्कशायर हॅथवेचे सीईओ वॉरेन बफे म्हणाले की, चार्लीच्या प्रेरणा, बुद्धिमत्ता आणि सहभागाशिवाय कंपनी सध्याच्या स्थितीत असू शकत नाही.

Charlie Munger
(फोटो क्रेडिट- रॉयटर्स)

Berkshire Hathaway चे उपाध्यक्ष आणि वॉरेन बफे यांचे खास मित्र समजल्या जाणार्‍या चार्ली मुंगेर यांचे मंगळवारी रात्री अमेरिकेतील कॅलिफोर्निया येथे निधन झाले. चार्ली मुंगेर ९९ वर्षांचे होते. बर्कशायर हॅथवेने त्यांच्या मृत्यूबद्दल एक निवेदन प्रसिद्ध केले. चार्ली मुंगेर यांच्या मृत्यूनंतर आपली पहिली प्रतिक्रिया देताना बर्कशायर हॅथवेचे सीईओ वॉरेन बफे म्हणाले की, चार्लीची प्रेरणा, बुद्धिमत्ता आणि सहभागाशिवाय कंपनी सध्याच्या स्थितीत असू शकत नव्हती. १९२४ साली जन्मलेल्या चार्ली मुंगेरला रिअल इस्टेट क्षेत्रात विशेष दबदबा होता. वॉरेन बफेबरोबर काम सुरू करण्यापूर्वी चार्ली मुंगेर त्याच्या इतर भागीदारांबरोबर मुंगेर, टोलेस अँड ओल्सन नावाची लॉ फर्म चालवत होते. १९७८ मध्ये ते वॉरन बफे अन् बर्कशायर हॅथवेबरोबर जोडले गेले.

हेही वाचाः Money Mantra : हायब्रिड म्युच्युअल फंडाचे आकर्षण वाढले, गुंतवणूकदारांकडून यंदाच्या वर्षात ७२००० कोटींची गुंतवणूक, काय आहे खासियत?

Gold Silver Price on 4 March 2024
Gold-Silver Price on 4 March 2024: आठवड्याच्या सुरुवातीलाच सोन्याचे नवे दर जाहीर, २४ कॅरेट सोन्याचा भाव आता…
Gold Silver Price on 3 March 2024
Gold-Silver Price on 3 March 2024: सोन्याच्या दरात आज कोणताही बदल नाही, जाणून घ्या १० ग्रॅम सोन्याचा भाव
Gold Silver Price
Gold-Silver Price on 2 March 2024: सोन्याने घेतली उंच उडी, तर चांदीचे दरही गगनाला; जाणून घ्या आजचा भाव
Commercial LPG Cylinder Price Hike by rs 25 Today in Marathi
LPG Gas Price: एलपीजी गॅसचे दर २५ रुपयांनी वाढले; आता व्यावसायिक सिलेंडर्ससाठी मोजावे लागतील ‘इतके’ रुपये!

चार्ली मुंगेर कोण होते?

१९२४ मध्ये ओमाहा येथे जन्मलेल्या मुंगेर यांनी हार्वर्ड लॉ स्कूलमधून पदवी प्राप्त केली. त्यांनी १९६२ मध्ये मुंगेर, टोल्स अँड ओल्सन या लॉ फर्मसह वित्त क्षेत्रात प्रवेश केला. त्यांनी हेज फंड कंपनी मुंगेर अँड कंपनीमध्ये गुंतवणूक केली. मुंगेर आणि बफे हे गेल्या ६० वर्षांपासूनचे मित्र होते आणि दोघांमध्ये कधीही वाद झाला नाही. बर्कशायर हॅथवेच्या स्थापनेत मुंगेर यांनी महत्त्वाची भूमिका बजावली.

जगातील श्रीमंतांच्या यादीत मुंगेर १८२ व्या क्रमांकावर होते

मुंगेर हे केवळ बर्कशायर हॅथवेचे उपाध्यक्ष नव्हते, तर ते रिअल इस्टेट क्षेत्रातही त्यांचा दबदबा होता. ते वकील, डेली जर्नल कॉर्पोरेशनचे अध्यक्ष आणि प्रकाशक, कॉस्टको बोर्ड सदस्य, परोपकारी आणि वास्तुविशारद देखील होते. जगातील सर्वात श्रीमंत व्यक्तींच्या यादीत ते १८२ व्या क्रमांकावर होते. बफे यांना त्यांच्या सल्ल्यावर पूर्ण विश्वास होता आणि त्या आधारे ते कंपन्यांमध्ये गुंतवणूक करीत असत. त्यांच्या व्यवस्थापनाखाली बर्कशायरने १९६५ पासून सरासरी वार्षिक २० टक्के नफा मिळवला होता.

हेही वाचाः बाजारातील माणसे : चार्ली मुंगेर आणि वॉरेन बफे

मुंगेर १९७८ मध्ये बर्कशायरचे उपाध्यक्ष झाले

मुंगेर आणि बफे या दोघांनी एकत्र गुंतवणुकीच्या जगात प्रवेश केला. बफे त्यांच्यापेक्षा ७ वर्षांनी लहान होते. ते १९७८ मध्ये कंपनीचे उपाध्यक्ष आणि १९८४ मध्ये वेस्को फायनान्शियलचे अध्यक्ष झाले. कंपनीच्या वार्षिक मीटिंगमध्ये त्यांच्या भूमिका आणि कॉर्पोरेट अतिरेकांचा निषेध करण्यासाठी ते ओळखला जात असे. जसजसे बफेटची कीर्ती आणि नशीब वाढत गेले, तसतसे बर्कशायरच्या शेअरच्या किमतीवर आधारित मुंगेरचे मूल्यही वाढले.

बफे आणि मुंगेर यांच्यात समन्वय होता

बर्कशायरच्या २००२ च्या वार्षिक सभेत बफेट यांनी मुंगेर यांच्याबद्दल सांगितले की, “तुम्ही सरळ विचार करीत नाही, असे म्हणणारा जोडीदार मिळणे खूप छान आहे. त्यावर मुंगेर म्हणाले, “बफेला एक बोलका माणूस म्हणून खूप फायदा झाला आणि मला वाटते की मी त्या बाबतीत खूप उपयुक्त ठरलो आहे.”

Latest Comment
View All Comments
Post Comment

मराठीतील सर्व अर्थवृत्त बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Famous businessman charlie munger passed away at the age of 99 vrd

First published on: 29-11-2023 at 10:03 IST

संबंधित बातम्या

तुम्ही या बातम्या वाचल्या आहेत का? ×