नवी दिल्ली : ईशान्येतील राज्यांचा म्युच्युअल फंडांकडे ओढा वाढू लागला आहे. गेल्या चार वर्षांत ईशान्येतील राज्यांतून म्युच्युअल फंडाच्या व्यवस्थापनाखालील मालमत्तेत (एयूएम) दुपटीने वाढ झाली असून, ही मालमत्ता मार्च २०२४ अखेर ४० हजार ३२४ कोटी रुपयांवर पोहोचली. किरकोळ गुंतवणूकदारांमध्ये गुंतवणुकीबाबत जागरूकता निर्माण झाल्याचा हा सुपरिणाम ‘इक्रा अ्रॅनालिटिक्स’च्या अहवालाने सोमवारी पुढे आणला.  

हेही वाचा >>> अदानी पॉवरपेक्षा महानिर्मितीद्वारे निर्मित वीज स्वस्त! मागणी वाढल्याने ७.७८ रुपये दरानेही वीजखरेदी

50000 crore IPO of 30 companies awaited
तीस कंपन्यांचे ५०,००० कोटींचे ‘आयपीओ’ प्रतीक्षेत
Vodafone
व्होडाफोनकडून इंडस टॉवर्समधील १८ टक्के भागभांडवल १५,३०० कोटींना विक्री
House Prices, House Prices Surge in Major Indian Metro cities, House Prices Surge by 13 percent in indian metro cities,
देशभरात घरे महागली! जाणून घ्या घरांच्या किमती वाढण्याची कारणे…
Network, drug smugglers,
ड्रग्स तस्करांचे विदर्भात जाळे, नागपुरात ३१ लाखांची एमडी पावडर जप्त
May PMI at 5 month low
सेवा क्षेत्रही मरगळीकडे! मेचा ‘पीएमआय’ ५ महिन्यांच्या नीचांकांवर
india s fy24 fiscal deficit hits rs 16 54 lakh crore
भारताची वित्तीय तूट १६.५४ लाख कोटींवर; सरत्या आर्थिक वर्षातील स्थिती; जीडीपीच्या ५.६ टक्क्यांवर
Adani group companies profits
अदानी समूहातील कंपन्यांचा नफा वर्षागणिक ५५ टक्के वाढीसह ३०,००० कोटींपुढे
36075 fraud cases reported in banking sector in fy24
बँकांचे १३,९३० कोटी फसवणुकीत फस्त : रिझर्व्ह बँक

म्युच्युअल फंडांमध्ये गुंतवणूक करण्याकडे छोट्या शहरांतील नागरिकांचा कल वाढू लागला आहे. ईशान्येतील अरुणाचल प्रदेश, आसाम, मणिपूर, मेघालय, मिझोराम, नागालँड आणि त्रिपुरा या राज्यांचा म्युच्युअल फंडांच्या एकूण सरासरी व्यवस्थापनाखालील मालमत्तेतील हिस्सा ०.७३ टक्क्यांवर पोहोचला आहे. फंडांची एकूण सरासरी व्यवस्थापनाखालील मालमत्ता यंदा मार्चअखेरीस ५५.०१ लाख कोटी रुपये होती. ही मालमत्ता मार्च २०२० अखेरीस २४.७१ लाख कोटी रुपये होती, त्यावेळी त्यात ईशान्येतील राज्यांचा हिस्सा ०.६७ टक्के म्हणजेच १६ हजार ४४६ कोटी रुपये होता. गेल्या चार वर्षांत तो वाढून ४० हजार ३२४ कोटी रुपयांवर पोहोचला आहे, असे ‘इक्रा ॲनालिटिक्स’चा अहवाल सांगतो.  

याबाबत इक्रा ॲनालिटिक्सचे वरिष्ठ उपाध्यक्ष अश्विनी कुमार म्हणाले की, ईशान्येतील राज्यांचा म्युच्युअल फंडांच्या एकूण सरासरी व्यवस्थापनाखालील मालमत्तेतील टक्केवारी कमी दिसत असली तरी त्यात सातत्यपूर्ण वाढ सुरू आहे. या राज्यांतून म्युच्युअल फंडांमध्ये गुंतवणुकीचा ओघ वाढत आहे. कारण तिथे गुंतवणुकीबाबत जागरूकता वाढत आहे. याचबरोबर म्युच्युअल फंडांच्या माध्यमातून तेथील गुंतवणूकदार समभागसंलग्न अर्थात इक्विटी योजना पर्यायाला पसंती देत आहेत.

एकूण सरासरी व्यवस्थापनाखालील मालमत्तेतील वाटा (रुपयांत)
– आसाम – २९,२६८ कोटी
– मेघालय – ३,६२३ कोटी
– त्रिपुरा – २,१७४ कोटी
– नागालँड – १,६६८ कोटी
– अरुणाचल प्रदेश – १,५३२ कोटी
– मणिपूर – १,१५२ कोटी
– मिझोराम – ९०७ कोटी