नवी दिल्ली : देशातील आघाडीची वाहन उत्पादक कंपनी टाटा मोटर्सने त्यांच्या ठराविक विद्युत वाहनांच्या (ईव्ही) किमतीत घट केली आहे. टाटाच्या नेक्सन आणि टियागो या विद्युत वाहनांच्या किंमती बॅटरी सेलचा खर्च कमी झाल्यामुळे १.२ लाखांपर्यंत कमी केल्या आहेत. नेक्सनची किंमत १.२ लाख रुपयांपर्यंत कमी केली आहे आणि आता वाहनाची किंमत१४.४९ लाख रुपये आहे. त्याचप्रमाणे, टियागोच्या किंमती ७०,००० रुपयांनी कमी केल्या आहेत, ज्याच्या सुरुवातीच्या वाहनांची किंमत आता ७.९९ लाख रुपयांपासून सुरू होत आहे, असे टाटा मोटर्सने दिलेल्या निवेदनात म्हटले आहे. मात्र नुकत्याच सादर झालेल्या पंच या विद्युत वाहनाच्या प्रस्ताविक किमती अपरिवर्तित राहतील, असेही त्यात म्हटले आहे.

हेही वाचा >>> ‘सेन्सेक्स’मध्ये ४८२ अंशांची भर; बँकिंग, वित्तीय सेवा आणि माहिती तंत्रज्ञान क्षेत्रातील समभागांमध्ये खरेदीचा सपाटा

The Capital Markets Regulatory Authority imposed a fine of Rs 12 crore on Rabindra Bharti Educational Institute in an interim order
वित्तरंजन: हजार टक्क्यांच्या परताव्याचे आमिष
The issue of soybean prices is important in the election
सोयाबीनच्या दरांचा मुद्दा निवडणुकीच्या पटलावर
cryptocurrency fraud marathi news
क्रिप्टो करंन्सीच्या नावावर युवकाने गमावले २३ लाख रुपये
Delayed purchase of passenger vehicles by 3 lakh 22 thousand 345 customers in the month of March
प्रवासी वाहनांच्या विक्रीत घट, मार्च महिन्यात ३ लाख २२ हजार ३४५ ग्राहकांकडून खरेदी लांबणीवर

बॅटरीचा खर्च हा कोणत्या विद्युत वाहनाच्या एकूण खर्चाचा मोठा भाग असतो. टाटा पॅसेंजर इलेक्ट्रिक मोबिलिटीचे मुख्य वाणिज्य अधिकारी विवेक श्रीवत्स म्हणाले, बॅटरी सेलच्या किमती अलीकडच्या काळात घसरण झाल्यामुळे आणि भविष्यातील संभाव्य कपातीचा विचार करून, ग्राहकांना थेट फायदा देण्याचा निर्णय घेतला आहे. गेल्या काही वर्षांमध्ये विद्युत वाहनांच्या विक्रीने वेग घेतला आहे. विद्युत वाहने अधिक सुलभ आणि स्वस्तात उपलब्ध करून त्यांना मुख्य प्रवाहात आणण्याचे कंपनीचे ध्येय आहे. वर्ष २०२३ मध्ये, प्रवासी वाहन उद्योगाने नोंदवलेल्या ८ टक्के वाढीच्या तुलनेत विद्युत वाहन विभागाने ९० टक्क्यांहून अधिक वाढ नोंदवली आहे. वर्ष २०२४ मध्ये ही वाढीची गती कायम राहिली आहे, तसेच जानेवारी २०२४ मध्ये विद्युत वाहनांच्या विक्रीने वार्षिक १०० टक्के वाढ नोंदवली आहे.