News Flash

रुईयामध्ये ‘मराठी साज’

रामनारायण रुईया महाविद्यालयातही ‘साज मराठी’ हा संस्कृती दर्शन करणारा कार्यक्रम सादर केला.

रामनारायण रुईया महाविद्यालयातही ‘साज मराठी’ हा संस्कृती दर्शन करणारा कार्यक्रम सादर केला. विशेष म्हणजे हा कार्यक्रम विद्यार्थ्यांच्या संकल्पनेतून साकारला गेला. शिक्षकांच्या अंशत: मार्गदर्शनावर विद्यार्थ्यांनी कलेच्या आणि मेहनतीच्या जोरावर कार्यक्रम यशस्वी केला. या कार्यक्रमात लोकसंस्कृतीसोबतच लोकभाषा आणि आदिवासी परंपरेलाही स्पर्श करण्यात आला. बोलीभाषेतील उतारे, साहित्य विद्यार्थ्यांसमोर आणले गेले. वासुदेव, जात्यावरच्या ओव्या, जागरण गोंधळ, कोळी गीत, संस्कृतीवर भाष्य करणाऱ्या कविता; मालवणी गीते तसेच विदर्भ, खान्देश प्रांतातील स्त्रियांच्या भावना व्यक्त करणारी ग्रामीण गीते, शेतकरी गीत आणि अखेरीस सादर झालेल्या तारपा नृत्याने लोकांना वेड लावले. गीतनृत्यनाटय़ असा वेगळा आविष्कार भाषादिनी पाहायला मिळणं म्हणजे पर्वणीच होय. या कार्यक्रमासाठी मराठी वाङ्मय मंडळ प्रमुख प्रा. शिल्पा नेवे यांचे विशेष आणि मोलाचे मार्गदर्शन मुलांना लाभले. मराठी विभाग आणि मराठी पत्रकारिता विभाग अशा दोन विभागांचा सहभाग या कार्यक्रमात होता.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on March 4, 2017 12:21 am

Web Title: marathi festival in ruia college
Next Stories
1 डोनाल्ड झालासे कळस..!
2 सम्यक कलांश प्रतिष्ठान आयोजित आवाजाची कार्यशाळा संपन्न
3 लोकशाही राष्ट्रातील अमानवी संस्कृती
Just Now!
X