दिव्यांगजन विकासविषयक विशेष अभ्यासक्रमांसाठी नॅशनल इन्स्टिटय़ूट ऑफ पर्सन्स विथ मल्टीपल डिसिबलिटीज चेन्नई येथे खालीलप्रमाणे प्रवेश उपलब्ध आहे. बीएड - स्पेशल एज्युकेशन इन मल्टीपल डिसॅबिलिटीज ऑस्टीम स्पेक्ट्रम डिसऑर्डर/डिफ ब्लाइंडनेस अभ्यासक्रम (कालावधी - २ वर्षे ) - अर्जदारांनी विज्ञान विषयातील पदवी कमीतकमी ५०% गुणांसह उत्तीर्ण केलेली असावी. डेव्हल्पमेंटल थेरपी विषयातील पदव्युत्तर पदविका अभ्यासक्रम (कालावधी -१५ महिने ) अर्जदारांनी वैद्यकशास्त्र, फिजिओथेरपी, ऑक्युपेशनल थेरपी, स्पीचथेरपी यांसारख्या विषयातील पदवी कमीतकमी ४०% गुणांसह उत्तीर्ण केलेली असावी. अर्ली इंटरव्हेंशन विषयातील पदव्युत्तर पदविका अभ्यासक्रम (कालावधी - एक वर्ष)- अर्जदारांनी वैद्यकशास्त्र, बीएड स्पेशल एज्युकेशन, ऑक्युपेशनल थेरपी, फिजिओथेरपी यांसारख्या विषयातील पदवी, चाइल्ड सायकॉलॉजी वा चाइल्ड डेव्हल्पमेंट यांसारख्या विषयातील पदव्युत्तर पदवी अथवा नर्सिगमधील पदवी पात्रता कमीतकमी ५०% गुणांसह उत्तीर्ण केलेली असावी. एमए- सोशल वर्क- डिसॅबिलिटी स्टडीज या विषयातील पदव्युत्तर पदवी अभ्यासक्रम (कालावधी - २ वर्षे ) अर्जदार कुठल्याही विषयातील पदवीधर असावेत. दिव्यांगजनविषयक विषयातील पात्रताधारकांना प्राधान्य देण्यात येईल. एम.फिल (क्लिनिकल सायकॉलॉजी) अभ्यासक्रम (कालावधी - २ वर्षे ) अर्जदारांनी मानसशास्त्र विषयातील पदव्युत्तर पदवी कमीतकमी ५०% गुणांसह उत्तीर्ण केलेली असावी. विशेष सूचना- राखीव वर्गगटातील विद्यार्थ्यांसाठी गुणांच्या टक्केवारीची अट पाच टक्क्यांनी शिथिलक्षम आहे. अधिक माहिती व तपशिलासाठी संपर्क - अभ्यासक्रमांच्या संदर्भात अधिक माहिती व तपशिलासाठी नॅशनल इन्स्टिटय़ूट फॉर एम्पॉवरमेंट ऑफ पर्सन्स विथ मल्टीपल डिसॅबिलिटिज चेन्नईच्या दूरध्वनी क्र. ०४४- २७४७२१०४ वर संपर्क साधावा अथवा इन्स्टिटय़ूटच्या या संकेतस्थळाला भेट द्यावी. अर्ज पाठविण्याचा पत्ता व शेवटची तारीख - संपूर्णपणे भरलेले प्रवेशअर्ज डायरेक्टर, नॅशनल इन्स्टिटय़ूट फॉर एम्पॉवरमेंट ऑफ पर्सन्स विथ मल्टीपल डिसॅबिलिटिज (दिव्यांगजन), मन्तुकुडू इस्ट कोस्ट रोड, कोवलम पोस्ट ऑफिस, चेन्नई- ६०३ ११२ या पत्त्यावर १५ जुलै २०१७ पर्यंत पोहोचतील अशा बेताने पाठवावेत.