25 September 2020

News Flash

उद्धव ठाकरेंकडून पंतप्रधान मोदींना शुभेच्छा, म्हणाले…

पंतप्रधान मोदींचा आज ७०वा वाढदिवस

पंतप्रधान नरेंद्र मोदी यांचा आज (१७ सप्टेंबर) ७० वा वाढदिवस आहे. यानिमित्ताने त्यांच्यावर जगभरातून शुभेच्छांचा वर्षाव होत आहे. सोशल मीडियावर त्यांच्या दीर्घायुष्यासाठी प्रार्थना केल्या जात आहेत. अनेक देशांच्या राष्ट्रप्रमुखांसह नेत्यांनीही त्यांना शुभेच्छा दिल्या आहेत. काँग्रेस नेते राहुल गांधी यांच्यासह अनेक केंद्रीय मंत्री, नेते आणि मान्यवरांनी त्यांना शुभेच्छा दिल्या आहेत. महाविकास आघाडीचे सरकार आल्यापासून पंतप्रधान मोदींच्या ध्येय धोरणांवर टीका करणारे महाराष्ट्राचे मुख्यमंत्री उद्धव ठाकरे यांनीही मोदींना शुभेच्छा दिल्या.

“आदरणीय पंतप्रधान नरेंद्र मोदीजी, तुम्हाला वाढदिवसाच्या हार्दिक शुभेच्छा! तुमची कायम निरोगी व तंदुरूस्त राहा हीच प्रार्थना. दीर्घायुष्यासाठी सदिच्छा”, अशा आशयाचे ट्विट करत उद्धव ठाकरे यांनी पंतप्रधान नरेंद्र मोदी यांना शुभेच्छा दिल्या.

उद्धव ठाकरेंशिवाय भारतातील आणि जगभरातील नेतेमंडळींनी मोदींना शुभेच्छा दिल्या. खासदार आणि काँग्रेसचे माजी अध्यक्ष राहुल गांधी यांनी पंतप्रधान नरेंद्र मोदी यांना ट्विटरवरुन वाढदिवसाच्या शुभेच्छा दिल्या. नेपाळचे पंतप्रधान के. पी. शर्मा ओली यांनी पंतप्रधान नरेंद्र मोदी यांना वाढदिवसाच्या शुभेच्छा दिल्या. पंतप्रधान नरेंद्र मोदी यांना वाढदिवसानिमित्त शुभेच्छा, मी आपल्या चांगल्या आरोग्यासाठी आणि आनंदासाठी प्रार्थना करतो. दोन्ही देशांच्या संबंधांना अधिक मजबूत करण्यासाठी मिळून काम करुयात, असे ट्विट त्यांनी केले. फिनलँडच्या पंतप्रधान सना मरीन यांनी पंतप्रधान नरेंद्र मोदी यांना पत्र लिहून वाढदिवसाच्या शुभेच्छा दिल्या. दोन्ही देशांचे संबंध आणखी चांगल्या प्रकारे पुढे नेण्याची आशा आहे, असं त्यांनी आपल्या शुभेच्छा संदेशात म्हटलं आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on September 17, 2020 11:03 am

Web Title: happy birthday pm modi maharashtra cm uddhav thackeray wish tweet pray for good health vjb 91
Next Stories
1 “GDP घसरलाय, RBI कंगाल झाली आहे अन् सरकारनं कंपन्यांचा मोठा सेल लावलाय”
2 ‘भाभीजी के पापड’ खाऊन लोक बरे झालेत का?; संजय राऊत यांचा संसदेत सवाल
3 हैदराबाद मुक्तिसंग्राम दिन : ४० दिवसांत ५६० संस्थाने भारतात विलीन कशी झाली?
Just Now!
X