News Flash

दोन वर्षांची शिक्षा झालेला डॉक्टर आठवडाभरातच मुक्त

अनेक रुग्णांचे बळी घेतल्याचा आरोप असलेले भारतीय वंशाचे डॉक्टर जयंत पटेल यांची दोन वर्षांची तुरुंगवासाची शिक्षा पूर्ण झाल्याचा निर्वाळा देत ऑस्ट्रेलियातील न्यायालयाने त्यांची मुक्तता केली

| November 22, 2013 12:57 pm

अनेक रुग्णांचे बळी घेतल्याचा आरोप असलेले भारतीय वंशाचे डॉक्टर जयंत पटेल यांची दोन वर्षांची तुरुंगवासाची शिक्षा पूर्ण झाल्याचा निर्वाळा देत ऑस्ट्रेलियातील न्यायालयाने त्यांची मुक्तता केली आहे. मेलबर्नमधील एका सरकारी रुग्णालयात नोकरीला असलेल्या डॉ. पटेल यांच्या निष्काळजीपणामुळे अनेक रुग्णांचा मृत्यू झाला होता. २००६मध्ये घडलेल्या या घटनेनंतर डॉ. पटेल यांच्यावर सेवेत निष्काळजीपणा केल्याचा आणि मनुष्यवधाचा गुन्हा दाखल करण्यात आला होता. तब्बल साडेसात वष्रे हा खटला चालल्यानंतर गेल्याच आठवडय़ात पटेल यांना दोन वर्षांची शिक्षा ठोठावण्यात आली. पटेल सध्या अमेरिकेचे नागरिक आहेत. त्यांनी ७८८ दिवस कोठडीत काढले, तर आरोपी हस्तांतर प्रक्रियेत १३१ दिवस गेल्याने त्यांची शिक्षा पूर्णच झाली आहे, असा निर्वाळा देत त्यांची मुक्तता करण्यात आली.
साडेसात वर्षांत पटेल यांच्यावर ३५ लाख डॉलर खर्च झाले, असे मेलबर्न प्रशासनाने सांगितले.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on November 22, 2013 12:57 pm

Web Title: indian origin doctor gets suspended sentence in australia
Next Stories
1 बंगळुरू एटीएम हल्ला आंध्र प्रदेशमधील व्यक्ती चौकशीसाठी ताब्यात
2 ‘मंगळयाना’द्वारे हेलेन चक्रीवादळाचे छायाचित्र
3 ‘नरेंद्र मोदी, भाषा जरा जपून वापरा’
Just Now!
X