21 October 2020

News Flash

क्रिकेट सामन्यात उसळता चेंडू खेळताना तरुण खेळाडूचा मृत्यू

मानेवर चेंडू बसल्याने फलंदाज जागेवरच कोसळला

(संग्रहित छायाचित्र)

जम्मू-काश्मीरच्या स्थानिक क्रिकेट स्पर्धेमध्ये खेळत असताना, १७ वर्षीय फलंदाजाला आपले प्राण गमवावे लागले आहेत. जहांगीर अहमद वार असं या तरुण खेळाडूचं नाव असून तो जम्मू-काश्मीर सरकारच्या क्रीडा विभागाने आयोजित केलेल्या स्थानिक क्रिकेट स्पर्धेमध्ये खेळत होता. बारामुल्ला विरुद्ध बडगाम जिल्ह्याच्या संघामध्ये होणाऱ्या सामन्यात हा प्रकार घडला आहे.

उसळत्या चेंडूवर हुकचा फटका खेळण्याच्या प्रयत्नात चेंडू जहांगीरच्या मानेवर जाऊन आदळला. हा फटका बसल्यानंतर जहांगीर जागेवरच कोसळला, मैदानातील इतर खेळाडूंनी व स्थानिक अधिकाऱ्यांनी त्याला जवळच्या रुग्णालयात दाखल केलं. मात्र उपचार सुरु होण्याआधीच जहांगीरने आपले प्राण गमावले होते. घडलेला प्रसंग अत्यंत दुर्दैवी आहे. जहांगीरने फलंदाजीदरम्यान स्वतःचा बचाव करण्यासाठी आवश्यक असलेली सर्व उपकरण (हेल्मेट, थायपॅड इ.इ.) घातली होती असं स्पष्टीकरण स्थानिक क्रीडा विभागाच्या अधिकाऱ्यांनी दिलं आहे.

जहांगिर हा बारामुल्ला जिल्ह्यातला रहिवासी होता. जम्मू-काश्मीर राज्यपालांच्या प्रयत्नाने आयोजित करण्यात आलेल्या स्पर्धेत जहांगिर आपल्या संघाकडून खेळत होता. जहांगीरच्या दुर्दैवी निधनानंतर स्थानिक क्रिकेटपटूंनीही हळहळ व्यक्त केली आहे.

अवश्य वाचा – उपांत्य सामन्यात धोनी बाद झाल्याचा चाहत्याला धक्का, गमावले प्राण

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on July 12, 2019 10:54 am

Web Title: jammu and kashmir teen cricketer dies after getting hit by a bouncer psd 91
Next Stories
1 राफेल-सुखोईची जोडी शत्रू देशांसाठी डोकेदुखी ठरेल : हवाई दल
2 मॉर्निंग बुलेटिन : पाच महत्त्वाच्या बातम्या
3 निवृत्तीनंतर धोनी भाजपासाठी राजकारणाच्या मैदानात करणार फटकेबाजी!
Just Now!
X