News Flash

कच्च्या तेलाचे उत्पादन घटवण्यास सौदी अरेबियाचे समर्थन; पेट्रोल-डिझेलचे दर पुन्हा वाढणार?

सध्या कच्च्या तेलाचे दर प्रती बॅरल ६० डॉलरपर्यंत पोहोचले आहेत

( संग्रहीत छायाचित्र )

पेट्रोल-डिझेलच्या सातत्याने वाढणाऱ्या दरामुळे जर तुम्ही त्रस्त असाल तर येणाऱ्या काही दिवसांत तुमचा खिसा आणखी रिकामा होऊ शकतो. सध्या कच्च्या तेलाचे दर आंतरराष्ट्रीय बाजारात प्रती बॅरल ६० डॉलरपर्यंत पोहोचले आहेत. याचदरम्यान कच्च्या तेलाचा सर्वांत मोठ्या उत्पादक देशांपैकी एक सौदी अरेबियाचे राजे मोहम्मद बिन सलमान यांनी मार्च २०१८ पर्यंत पुरवठा आणि उत्पादन कमी करण्याचे समर्थन केले आहे. त्यामुळे येणाऱ्या दिवसांत कच्च्या तेलाचे दर आणखी वाढू शकतात.

याचा थेट परिणाम भारतातील पेट्रोल आणि डिझेलच्या किमतीवर पडेल. कारण भारतातील इंधनाचे दर हे आंतरराष्ट्रीय बाजारानुसार दर दिवशी बदलतात. वॉल स्ट्रीट जर्नलच्या मते प्रिन्स मोहम्मद यांच्या या वक्तव्यामुळे ३० नोव्हेंबरला होणाऱ्या ओपेकच्या बैठकीत पुन्हा एकदा कच्च्या तेलाचे उत्पादन घटवण्यास एकमत होण्याचे संकेत मिळत आहेत. ओपेकमध्ये सहभागी देशांत सौदी अरेबिया सर्वांत मोठा आणि प्रभावशाली तेल उत्पादक देश आहे.

तेल उत्पादक देशांचा समूह ओपेकमध्ये १४ देशांचा सहभाग आहे. यामध्ये इराण, इराक, सौदी अरेबिया, कतार, यूएई, अल्जेरिया, अंगोला, इक्वाडोर, कुवेत, व्हेनेजुएला, लिबिया आणि नायजेरियासारख्या देशांचा समावेश आहे. जर ओपेक देशांचे तेलाचे उत्पादन घटवण्यास एकमत झाले तर रशियाकडूनही असा निर्णय घेतला जाऊ शकतो.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on October 29, 2017 2:52 pm

Web Title: saudi arabia support to cut crude oil production petrol and diesel prices may be hike again
Next Stories
1 ‘खादी फॉर ट्रान्सफॉर्मेशन’ मन की बातमध्ये मोदींचा नवा नारा
2 जम्मू-काश्मीरमध्ये दोन दहशतवाद्यांना कंठस्नान, एक पोलीस कॉन्स्टेबल शहीद
3 … तर राम मंदिराचा तिढा १९९१ मध्येच सुटला असता- शरद पवार
Just Now!
X