एका बंदुकधारी पोलीस अधिकाऱ्याने रुग्णालयात आत्महत्येचा प्रयत्न केल्याने इस्तंबूलमध्ये खळबळ उडाली आहे. रुग्णालयातच त्याने बंदुकीने आत्महत्या करण्याचा प्रयत्न केला. हा पोलीस अधिकारी मनोरुग्ण असल्याचे अधिकाऱ्यांनी सांगितले. याआधी, एका बंदुकधारी व्यक्तीने रुग्णांना ओलीस ठेवल्याचे वृत्त तुर्कस्थानच्या माध्यमांनी दिले होते. त्या व्यक्तीची ओळख पटली असून ती व्यक्ती पोलीस अधिकारी आहे असे समजले आहे. हा पोलीस अधिकारी असून गेल्या दोन वर्षांपासून रुग्णालयात उपचारासाठी येत असे. रुग्णालयातील इतर रुग्णांची आणि कर्मचाऱ्यांची सुटका करण्यात आली असून ते सुखरुप असल्याचे पोलिसांनी सांगितले. सध्या या बंदुकधारी पोलीस अधिकाऱ्याची समजूत काढली जात असून त्याला आत्महत्येपासून परावृत्त केले जात असल्याचे अधिकाऱ्यांनी सांगितले.
