24 February 2021

News Flash

कर्नाटकच्या राजकीय अस्थिरतेविरोधात काँग्रेसचं बंगालमध्ये आंदोलन

कर्नाटकच्या राजकीय अस्थिरतेला भाजपा जबाबदार असल्याचं पुन्हा एकदा काँग्रेसने म्हटलं आहे

कर्नाटकमध्ये जी राजकीय अस्थिरता निर्माण झाली आहे त्या अस्थिरतेचा निषेध करत युवक काँग्रेसने पश्चिम बंगालमध्येही आंदोलन केलं. कोलकाता या ठिकाणी युवक काँग्रेसने निषेध आंदोलन करत भाजपाचा निषेध नोंदवला. या आंदोलकांना पोलिसांनी ताब्यात घेतलं. भाजपा घोडेबाजाराला प्राधान्य देत आहे या आशयाचे फलक घेऊन हे आंदोलन करण्यात आलं. मागच्या शनिवारी कर्नाटकात राजकीय भूकंप झाला.

 

काँग्रेसच्या ८ आणि जेडीएसच्या ३ आमदारांनी राजीनामा दिला. त्यानंतर कर्नाटकमध्ये राजकीय उलथापालथ सुरु झाली. कर्नाटकचे मुख्यमंत्री कुमारस्वामी तातडीने रविवारी अमेरिकेहून कर्नाटकला परतले. मागील सोमवारी म्हणजेच ८ जुलैला कर्नाटक सरकारमध्ये सहभागी असलेल्या सगळ्या काँग्रेसच्या नेत्यांनी राजीनामा दिला. कर्नाटक सरकारमध्ये अस्थिरता निर्माण करण्यासाठी भाजपा जबाबदार आहे. हे सगळे काही मोदी आणि शाह यांच्या सांगण्यावरून झाले आहे असा आरोप काँग्रेसने केला आहे. आज लोकसभेच्या बाहेरही काँग्रेसने आंदोलन केलं. मात्र भाजपाने हे सगळे आरोप फेटाळले आहेत. काँग्रेसच्या घरातलं भांडण काँग्रेसला सोडवता येत नाही आणि ते आम्हाला दोष देत आहेत असं प्रत्युत्तर भाजपाने दिलं आहे. दरम्यान कोलकाता येथेही या राजकीय अस्थिरतेचे पडसाद उमटल्याचे पाहण्यास मिळाले.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on July 11, 2019 4:36 pm

Web Title: west bengal members and workers of youth congress staged protest on the streets of kolkata over political situation in karnataka scj 81
Next Stories
1 RTI कार्यकर्त्याच्या हत्येप्रकरणी भाजपाच्या माजी खासदाराला जन्मठेप
2 ग्रीन कार्डवरील मर्यादा अमेरिकेने हटवली; भारतीयांना होणार फायदा
3 मी का राजीनामा देऊ? कुमारस्वामींचा पत्रकारांना प्रतिप्रश्न
Just Now!
X