जम्मू-काश्मिरमधील तांगधर सेक्टरमध्ये शनिवारी पहाटे भारतीय सुरक्षा दलांबरोबर झालेल्या चकमकीत चार दहशतवादी मृत्यमूखी पडले. कुपवाडा जिल्ह्यातील तांगधर येथे ही चकमक झाली असून, लष्कराच्या अधिकृत सूत्रांकडून या वृत्ताला दुजोरा देण्यात आला आहे. या दहशवाद्यांकडून चार एके-४७ रायफल्स आणि शस्त्रसाठी जप्त करण्यात आला आहे. मात्र, हे दहशतवादी कोणत्या अतिरेकी संघटनेचे आहेत, याबद्दल अद्याप निश्चित माहिती मिळू शकली नसल्याचे लष्कराच्यावतीने सांगण्यात आले. यापूर्वी भारत-पाक सीमारेषेवर तब्बल २०० दहशतवादी मोठ्या प्रमाणात शस्त्रसाठा घेऊन भारतीय हद्दीत घुसखोरी करण्याच्या प्रयत्नात असल्याची माहिती, शनिवारी भारतीय लष्करातर्फे देण्यात आली होती.
