scorecardresearch

Premium

मणिपूरमधील मृतदेहांच्या अंत्यसंस्कारांसाठी निर्देश

मणिपूरमधील वांशिक हिंसाचारात मरण पावलेल्यांचे मृतदेह तेथील रुग्णालयांच्या शवागारांमध्ये पडून राहिले असून त्यांच्यावर दफनविधी किंवा दहनविधी केले जातील याची खबरदारी घ्यावी, असे निर्देश सर्वोच्च न्यायालयाने मंगळवारी दिले.

Instructions for Cremation of Dead Bodies in Manipur
मणिपूरमधील मृतदेहांच्या अंत्यसंस्कारांसाठी निर्देश ( संग्रहित छायाचित्र)/ लोकसत्ता

पीटीआय, नवी दिल्ली

मणिपूरमधील वांशिक हिंसाचारात मरण पावलेल्यांचे मृतदेह तेथील रुग्णालयांच्या शवागारांमध्ये पडून राहिले असून त्यांच्यावर दफनविधी किंवा दहनविधी केले जातील याची खबरदारी घ्यावी, असे निर्देश सर्वोच्च न्यायालयाने मंगळवारी दिले. त्यासाठी न्यायालयाने ४ डिसेंबपर्यंत मुदत दिली.

farmers agitation causes massive traffic jam in nashik city
शेतकऱ्यांच्या आंदोलनामुळे नाशिककरांची कोंडी; वन जमिनींच्या प्रश्नावर मंगळवारी मुंबईत बैठक
व्हिडीओकॉन कर्ज घोटाळ्याप्रकरणी सुनावणी करताना न्यायालयाने गुन्हे अन्वेशन विभागाला (सीबीआय) फटकारलं आहे.
Videocon Loan Case : उच्च न्यायालयाने सीबीआयला फटकारलं, म्हणाले, “चंदा कोचर आणि त्यांच्या पतीच्या अटकेवेळी…”
Where are the sidewalks for walking High Court question on action against illegal hawkers
चालायला पदपथ आहेतच कुठे? बेकायदा फेरीवाल्यांवरील कारवाईवरून उच्च न्यायालयाचा प्रश्न
Another six thousand crores tender for road concretization Mumbai news
रस्त्यांच्या कॉंक्रीटीकरणासाठी आणखी सहा हजार कोटींच्या निविदा

मणिपूरमधील हिंसाचाराबद्दल विविध याचिका न्यायालयात दाखल आहेत. त्यावर मंगळवारी सुनावणी झाली. सर्वोच्च न्यायालयाने स्थापन केलेल्या आणि न्या. (निवृत्त) गीता मित्तल यांच्या अध्यक्षतेखालील उच्च न्यायालयाच्या माजी महिला न्यायाधीशांच्या समितीने दाखल केलेल्या अहवालाची सरन्यायाधीश धनंजय चंद्रचूड, न्या. जे बी पारडीवाला आणि न्या. मनोज मिश्रा यांच्या खंडपीठाने नोंद घेतली. त्यामध्ये शवागारांमध्ये पडून राहिलेल्या मृतदेहांच्या अवस्थेची माहिती देण्यात आली आहे.या शवागारांमधील १७५ मृतदेहांपैकी १६९ मृतदेहांची ओळख पटलेली असून सहा मृतदेह अज्ञात आहेत, असे न्यायालयाने नमूद केले. ओळख पटलेल्या १६९पैकी ८१ मृतदेहांवर नातेवाईकांनी दावा केला असून ८८ मृतदेहांवर दावा करण्यासाठी कोणीही पुढे आलेले नाही असेही या अहवालात सांगण्यात आले आहे.

हेही वाचा >>>तेलंगणमध्ये प्रचार थंडावला, पाच राज्यांमध्ये रविवारी मतमोजणी

मृतदेहांचे दफन किंवा दहन करण्यासाठी राज्य सरकारने एकूण नऊ जागा निश्चित केल्या आहेत. अधिकाऱ्यांनी त्याची माहिती मृतांच्या नातेवाईकांना द्यावी असे खंडपीठाने सांगितले. ओळख पटलेल्या आणि दावा केलेल्या मृतदेहांवर कोणत्याही अडथळय़ांविना कुटुंबीयांकडून अंत्यसंस्कार केले जाऊ शकतात, असे न्यायालयाने सांगितले. राज्यामध्ये मे महिन्यात हिंसाचार झाला होता हे पाहता, ओळख न पटलेले किंवा दावा केलेले मृतदेह अनिश्चित काळासाठी शवागारांमध्ये ठेवणे योग्य ठरणार नाही असे मत सर्वोच्च न्यायालयाने व्यक्त केले.

Latest Comment
View All Comments
Post Comment

मराठीतील सर्व देश-विदेश बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Instructions for cremation of dead bodies in manipur amy

First published on: 29-11-2023 at 04:47 IST

संबंधित बातम्या

तुम्ही या बातम्या वाचल्या आहेत का? ×