scorecardresearch

Premium

‘हा तर मुस्लीम मुलींचा अवमान’, राहुल गांधी यांच्या कुत्र्याच्या नावावरून एमआयएमची टीका

काँग्रेस नेते राहुल गांधी यांनी आपली आई सोनिया गांधी यांना भेट देण्यासाठी गोव्यावरून कुत्र्याचे पिलू आणले. सोनिया गांधी खुश झाल्या मात्र एमआयएमच्या आमदारांनी कुत्र्याच्या नावावरून नाराजी व्यक्त केली आहे.

Rahul-Gandhi-Dog-pet-noorie
राहुल गांधी यांनी 'जॅक रसेल टेरियर' जातीचे कुत्र्याचे पिलू आई सोनिया गांधी यांना भेट दिले. (Photo – Rahul Gandhi Video)

ऑल इंडिया मजलिस-ए-इत्तेहादुल मुस्लिमीन (AIMIM) पक्षाचे नेते मोहम्मद फरहान यांनी गुरुवारी (दि. ५ ऑक्टोबर) काँग्रेस नेते राहुल गांधी यांच्यावर कुत्र्याच्या नावावरून टीका केली. राहुल गांधी यांनी आपल्या कुत्र्याचे नाव ‘नुरी’ ठेवल्यामुळे मुस्लीम समाजातील मुलींचा अवमान झाला असल्याचे फरहान म्हणाले आहेत. राहुल गांधी यांनी हल्लीच कुत्र्याच्या ‘जॅक रसेल टेरियर’ (Jack Russell Terrier) जातीचे तीन महिन्यांचे पिल्लू घेतले. राहुल गांधी यांनी आई सोनिया गांधी यांना हे पिल्लू दाखविल्यानंतर त्यांनीही आनंद व्यक्त केला. राहुल गांधी यांनी सोशल मीडियावर एक व्हिडीओ पोस्ट करून याची माहिती दिली. मात्र आता कुत्र्याला ठेवलेल्या नावावरून राजकारण होत आहे.

एमआयएम पक्षाचे नेते मोहम्मद फरहान यांनी कुत्र्याला नुरी हे नाव दिल्याबद्दल आक्षेप व्यक्त केला. ते म्हणाले, “राहुल गांधी यांनी कुत्र्याला नुरी हे नाव दिल्यानंतर पक्षाचे नेते असदुद्दीन ओवैसी यांनी आक्षेप नोंदविला. राहुल गांधी यांचे कृत्य निषेधार्ह आणि लाजिरवाणे आहे. कुत्र्याला नुरी हे नाव देऊन गांधी परिवाराने मुस्लीम समाजातील मुलींचा अवमान केला आहे. तसेच मुस्लीम मुली आणि मुस्लीम समाजाबाबत गांधी परिवाराची नकारात्मकताही यातून दिसून येते.”

Death threat to Deputy Chief Minister devendra Fadnavis on social media case filed in Santacruz police station
उपमुख्यमंत्री फडणवीस यांना समाज माध्यमांवर ठार मारण्याची धमकी, सांताक्रुझ पोलीस ठाण्यात गुन्हा दाखल
swami prasad maurya
निवडणुकीच्या तोंडावर समाजवादीला मोठा धक्का! बड्या नेत्याची पक्षाला सोडचिठ्ठी, गैर-यादव ओबीसी मतदार दुरावणार?
Amar Rajurkar slams Congress committee
Ashok Chavan : “अध्यक्षांच्या पुढे पुढे करणाऱ्या त्या लोकांमुळे…” चव्हाणांचे निकटवर्तीय राजूरकर यांचे आरोप
Amruta Fadnavis on devendra Fadnavis
“निखिल वागळे अभिव्यक्ती स्वातंत्र्याचा…”, कायदा-सुव्यवस्थेवरून अमृता फडणवीसांची प्रतिक्रिया, म्हणाल्या…

हे वाचा >> पिटबुल जातीचे कुत्रे धोकादायक का असतात? जाणून घ्या आक्रमक होण्यामागची नेमकी कारणं

दरम्यान राहुल गांधी यांनी सोशल मीडियावर पोस्ट केलेल्या व्हिडीओला इंटरनेटवर मात्र चांगला प्रतिसाद मिळत आहे. राहुल गांधी यांनी कुत्र्याचे पिलू गोव्यावरून दिल्ली येथे आईला भेट देण्यासाठी आणले. राहुल गांधींनी व्हिडीओत म्हटले, “नुरीने गोव्यावरून उड्डाण घेत थेट आमच्या घरी आगमन केले आणि आमच्या आयुष्यात आनंद आणला” व्हिडीओमध्ये सोनिया गांधी कुत्र्याच्या पिलाला बघून आनंदीत झाल्याचे दिसत आहे. तसेच त्यांच्याकडे असलेल्या लपू नावाच्या कुत्र्यासोबत आता नुरी खेळताना दिसत आहे.

ऑगस्ट महिन्यात राहुल गांधी गोव्यामध्ये खासगी दौऱ्यावर गेले होते. यावेळी त्यांनी श्रावणी पित्रे आणि त्यांचे पती स्टॅनली ब्रिगेन्जा यांची भेट घेतली. दाम्पत्यांनी हिंदुस्तान टाइम्सशी बोलताना सांगितले की, राहुल गांधी यांच्या कार्यालयातून आम्हाला ‘जॅक रसेल टेरियर’ जातीच्या कुत्र्याबाबत विचारणा करण्यात आली होती. सदर जातीचे पिलू आमच्याकडे असल्याचे सांगितल्यानंतर राहुल गांधी यांनी गोवा दौऱ्यानिमित्त आमच्या घरी भेट दिली.

जॅक रसेल टेरियर कुत्र्याबद्दल माहिती

जॅक रसेल टेरियर कुत्रा आकाराने अतिशय लहान असतो. त्याची उंची ३५ सेमीपर्यंत वाढू शकते. त्याचे वजन सहसा १० किलोपेक्षा जास्त वाढत नाही. लांडग्यांची शिकार करण्यासाठी इंग्लंडमध्ये या जातीचा विकास करण्यात आला. आकाराने लहान असल्यामुळे या जातीचे कुत्रे पाळण्याकडे अनेकांचा कल असतो. मात्र त्यांची संख्या अतिशय कमी आहे. बेस्ट फॉर पेट्स या वेबसाईटवरील माहितीनुसार भारतात जॅक रसेल टेरियर जातीचे पिल्लू २० ते ५० हजारांच्या घरात विकत मिळते. राहुल गांधी यांनी गोव्यातील ज्या दाम्पत्याकडून हे पिल्लू घेतले ते अनेक वर्षांपासून गोव्यात डॉग हाऊस चालवत आहेत.

Latest Comment
View All Comments
Post Comment

मराठीतील सर्व देश-विदेश बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Insult to muslim girls aimim leader on rahul gandhi naming pet dog noorie kvg

First published on: 05-10-2023 at 20:30 IST

संबंधित बातम्या

तुम्ही या बातम्या वाचल्या आहेत का? ×