scorecardresearch

Premium

PUBG साठी झालेल्या भांडणातून १४ वर्षीय मुलानं आपल्याच कुटुंबाला संपवलं; आईसह तिघा भावंडांची केली हत्या!

पबजी गेम खेळण्यावरून झालेल्या वादातून आई आणि तिघा भावंडांची अल्पवयीन मुलानं केली हत्या.

pakistan boy killed mother three siblings for pubg game
पबजी गेम खेळण्यावरून झालेल्या वादातून आई आणि तिघा भावंडांची अल्पवयीन मुलानं केली हत्या.

बजी गेम हा प्रकार आताशा जवळपास प्रत्येकाला माहिती झाला असावा. मोबाईलवरच्या या गेममुळे लहान मुलांना त्याचं वेड लागल्याची तक्रार अनेकदा पालक करताना दिसतात. पबजी गेमच्या अनेक दुष्परिणामांमुळे भारतात या गेमवर बंदी घालण्यात आली आहे. मात्र, तरी देखील या गेममुळे जगभरातल्या तरुणाईला आणि लहान मुलांना वेडं करून सोडलं आहे. अशा पराकोटीच्या प्रभावामुळे अनेकदा गंभीर दुर्घटना घडल्याचे प्रकार समोर आले असून पाकिस्तानमध्ये अशीच एक भीषण घटना घडली आहे. या गेमच्या नादात एका १४ वर्षीय अल्पवयीन मुलानं आपल्याच कुटुंबाला संपवल्याचं समोर आलं आहे.

नेमकं काय घडलं?

ही घटना घडलीये पाकिस्तानच्या लाहोरमध्ये. लाहोरमधील काहन भागामध्ये गेल्या आठवड्यात ४५ वर्षीय नाहिद मुबारक, त्यांचा २२ वर्षांचा मुलगा तैमुर आणि त्यांच्या इतर दोन अल्पवयीन मुलींचे मृतदेह पोलिसांना त्यांच्या राहत्या घरात आढळून आले होते. एकाच कुटुंबातल्या चौघांची गोळ्या झाडून हत्या करण्यात आली होती. या प्रकारामुळे परिसरात खळबळ उडाली होती. या सर्व कुटुंबात सर्वात लहान १४ वर्षीय अल्पवनीय आरोपी जिवंत राहिला होता. त्यामुळे पोलिसांनाही संशय आला. मात्र, या मुलाची चौकशी केली असता खरा प्रकार समोर आला.

old man arrested for molesting
मुंबई : दोन अल्पवयीन मुलींचा विनयभंग करणाऱ्या ५६ वर्षीय व्यक्तीला अटक
Enraged for beating mother son killed his father
धक्कादायक! आईला मारहाण केल्याच्‍या राग, मुलाने केली वडिलांची हत्या…
Thirteen year old boy committed suicide by hanging himself in Pimpri Chinchwad
धक्कादायक: अभ्यास करण्यावरून आई मुलाला रागावली, १३ वर्षीय मुलाने घेतला गळफास
vasai girl death, vasai accident death, school bus accident girl died vasai
वसई : अपघातात मृत्यू झालेल्या सिध्दी फुटाणेचे नेत्रदान, दु:खाचा डोंगर कोसळूनही पालकांचे सामाजिक दातृत्व

मुलानं दिली अपराधाची कबुली

यासंदर्भात पोलिसांनी दिलेल्या माहितीनुसार, पबजी गेमच्या आहारी जाऊन त्याच्याच प्रभावाखाली आई, मोठा भाऊ आणि दोन बहिणींची हत्या केल्याची कबुली या मुलानं दिली आहे. दिवसभर तासनतास पबजी गेम खेळल्यामुळे त्याच्यावर मानसिक परिणाम झाला होता, असं देखील पोलिसांनी सांगितलं आहे.

पबजी खेळण्यावरून आईशी झालं होतं भांडण

ज्या दिवशी ही घटना घडली, त्या दिवशी आरोपी मुलाचं त्याच्या आईशी पबजी खेळण्यावरून भांडण झालं होतं. मोबाईल गेम खेळण्यामध्ये जास्त वेळ न घालवता अभ्यासाकडे लक्ष देण्यास नाहिद त्याला बजावत होत्या. यातून रागाच्या भरात या मुलानं आईच्या कपाटातून पिस्तुल काढलं आणि आपल्या आईवर, तसेच झोपलेल्या तिघा भावंडांवर गोळ्या झाडल्याचं पोलिसांनी सांगितलं. ही घटना घडल्यानंतर दुसऱ्या दिवशी आरोपी मुलानं कांगावा करत आपल्याला काहीच माहिती नसल्याचं भासवलं. मात्र, पोलिसांनी तपास केल्यानंतर हे सगळं प्रकरण स्पष्ट झालं.

Latest Comment
View All Comments
Post Comment

मराठीतील सर्व देश-विदेश बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Minor boy killed mother three siblings under pubg game influence pmw

First published on: 29-01-2022 at 15:47 IST

संबंधित बातम्या

तुम्ही या बातम्या वाचल्या आहेत का? ×