What is the Garbage World Cup: क्रिकेट विश्वचषक, हॉकी विश्वचषक आणि फुटबॉल विश्वचषकाबद्दल सर्वांनी ऐकले असेलच, पण कचरा विश्वचषकाबद्दल तुम्हाला माहितीये का. आज आम्ही तुम्हाला जगातील एका अनोख्या खेळाबद्दल सांगणार आहोत. ज्यामध्ये अनेक देशांचे खेळाडू सहभागी होतात. सर्वात मोठी गोष्ट म्हणजे या खेळात लोक कचरा गोळा करतात.
कचरा वर्ल्ड कप म्हणजे काय?
हा एक अनोखा खेळ आहे, जो जपानमध्ये सुरू झाला आहे. स्पोगोमी वर्ल्ड कप असे या खेळाचे नाव आहे. हा जपानी शब्द आहे, ज्याचा अर्थ कचरा गोळा करणे. नुकत्याच झालेल्या या खेळात २१ देशांचे खेळाडू सहभागी झाले होते. वास्तविक, या खेळाचा उद्देश संपूर्ण जगात स्वच्छता आणि पर्यावरणीय समस्यांबाबत जनजागृती करणे हा आहे.
कोण ठरला विजेता
या विश्वचषकात २१ देशांनी भाग घेतला होता, पण ब्रिटन या खेळाचा विजेता ठरला. या खेळादरम्यान सर्व संघांनी १२०८ पौंड कचरा गोळा केला. सर्वात मोठी गोष्ट म्हणजे हा कचरा त्यांना शहरातून उचलायचा होता. म्हणजे कोणत्याही खाजगी मालमत्तेचा कचरा तुम्ही उचलू शकत नाही. यात ब्रिटीश खेळाडू पुढे होते आणि त्यांनी २० मिनिटांत सर्वाधिक कचरा गोळा केला. हा गेम निप्पॉन फाऊंडेशनने आयोजित केला होता. आता हा गेम २०२५ मध्ये टोकियोमध्ये पुन्हा आयोजित केला जाणार आहे.
हेही वाचा >> अजबच! १४,५०० फूट उंचीवरून महिला कोसळली थेट जमिनीवर; पण मुंग्यांमुळे वाचला जीव! कसा ते वाचा….
जपानच्या संघाच्या पराभवावर जपानी न्यूज वेबसाईट द मैनिचीशी बोलताना जपानी संघाचे सदस्य टोमो ताकाहाशी म्हणाले की, आम्ही ही स्पर्धा हरलो हे खूप निराशाजनक आहे. आम्हाला आधीच जिंकायचे होते. हा पराभव आम्ही विसरणार नाही, २०२५साली होणाऱ्या विश्वचषकात विजय दाखवून देऊ, असे ते म्हणाले. यासोबतच ते म्हणाले की, आम्हाला आशा आहे की या खेळानंतर जगभरातील लोक पर्यावरणाच्या प्रश्नात अधिक रस घेतील.