scorecardresearch

Premium

Video : उत्तराखंडमध्ये मतदानादरम्यान हेराफेरी? काँग्रेस नेत्यानं पुराव्यादाखल शेअर केला ‘तो’ व्हिडीओ, एकच व्यक्ती…!

काँग्रेस सरचिटणीस हरीश रावत यांनी मतदान प्रक्रियेदरम्यानचा एक व्हिडीओ शेअर केला आहे.

harish rawat ballot paper viral video
काँग्रेस नेते हरीश रावत यांनी व्हायरल व्हिडीओ शेअर केला आहे.

१४ फेब्रुवारी रोजी उत्तराखंडमध्ये एकाच टप्प्यात मतदान पार पडलं. एकीकडे सत्ताधारी भाजपा सत्ता राखण्यासाठी शक्य ते सर्व प्रयत्न करत असताना दुसरीकडे काँग्रेसनं मात्र राज्यात सत्तापालट होण्याचा दावा केला आहे. यातच एक व्हिडीओ काँग्रेसचे सरचिटणीस हरीश रावत यांनी शेअर केला असून त्यावरून मोठी चर्चा सुरू झाली आहे. हा व्हिडीओ शेअर करताना हरीश रावत यांनी मतदान प्रक्रियेमध्ये घोटाळा झाल्याचा आरोप केला आहे. तसेच, निवडणूक आयोग या प्रकाराची दखल घेईल का? असा देखील सवाल त्यांनी या व्हिडीओसोबत उपस्थित केला आहे.

हरीश रावत यांनी यासंदर्भात एक ट्वीट करून गंभीर आरोप केला आहे. “सगळ्यांच्या माहितीसाठी एक व्हिडीओ व्हायरल करतो आहे. यामध्ये एका आर्मी सेंटरमध्ये कशा प्रकारे एकच व्यक्ती सर्व मतपत्रिकांवर टिक करत आहे हे दिसतंय. एवढंच नाही, तर सगळ्या मतपत्रिकांवर सह्या देखील तीच व्यक्ती करत असल्याचं दिसत आहे. त्याचा एक नमुना बघा. निवडणूक आयोग या प्रकाराची दखल घेईल का?” असा सवाल हरीश रावत यांनी केला आहे.

Congress leader faizal patel
Loksabha Election: गुजरातमधील भरुचमध्ये आप-काँग्रेसमध्ये जागावाटपावरून मतभेद; नेमके प्रकरण काय?
ex maharashtra cm ashok chavan resigns
काँग्रेसमध्ये गळित हंगाम! अशोक चव्हाण यांच्या राजीनाम्यानंतर आणखी फुटीची शक्यता, काँग्रेसमध्ये धावपळ
general election 2024
काँग्रेस-समाजवादी यांच्यात अजूनही अंतिम तोडगा नाही, आरएलडीचे नेते अस्वस्थ; वाचा उत्तर प्रदेशमध्ये काय घडतंय?
mamata banerjee
‘भारत जोडो न्याय यात्रा’ राज्यात दाखल होण्यापूर्वी ममता बॅनर्जींची काँग्रेसवर टीका; पश्चिम बंगालमध्ये पुन्हा राजकारण तापणार?

काय आहे व्हिडीओमध्ये?

हरीश रावत यांनी शेअर केलेल्या व्हिडीओमध्ये त्यांनी दावा केल्याप्रमाणे एक व्यक्ती मतपत्रिकांवर सह्या करत असून उमेदवारांच्या नावापुढे टिक देखील करत आहे. या व्यक्तीच्या हातात अनेक मतपत्रिका दिसत असून त्याच्यासोबत इतरही काही व्यक्तींचं संभाषण ऐकू येताना दिसत आहे. हा व्हिडिओ नुकत्याच पार पडलेल्या विधानसभा निवडणुकांदरम्यानचा असल्याचा दावा काँग्रेसकडून केला जात आहे. मात्र, नेमका हा व्हिडीओ कुठून आला यासंदर्भात खुलासा करण्यात आलेला नाही.

दरम्यान, भाजपाकडून हरीश रावत यांचे हे आरोप फेटाळून लावण्यात आले आहेत. “लोकांना भरकटवण्याचा काँग्रेसचा प्रयत्न फसला आहे. त्यामुळेच काँग्रेसकडून अशा गोष्टी करण्यात येत आहेत. पराभवाच्या भीतीमुळेच आधी ते इव्हीएम घोटाळ्याविषयी बोलत होते, आता बॅलट पेपर घोटाळ्याविषयी बोलत आहेत”, अशी प्रतिक्रिया भाजपाचे उत्तराखंड माध्यम समन्वयक मानवीर सिंग यांनी पीटीआयशी बोलताना दिली आहे.

१४ फेब्रुवारी रोजी उत्तराखंडमध्ये मतदान झालं असून १० मार्च रोजी मतमोजणी होणार आहे.

Latest Comment
View All Comments
Post Comment

मराठीतील सर्व निवडणूक २०२४ बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Congress leader harish rawat shares video ballot papers tampering bjp denies pmw

First published on: 23-02-2022 at 12:37 IST

संबंधित बातम्या

तुम्ही या बातम्या वाचल्या आहेत का? ×