देशात काँग्रेसची सत्ता आली तर तुमच्या वाट्याची संपत्ती, हिंदू महिलांच्या गळ्यातलं मंगळसूत्रं जास्त मुलांना जन्म घालणाऱ्यांना दिली जातील हे पंतप्रधान नरेंद्र मोदी म्हणतात. मात्र मंगळसूत्राचं महत्त्व मोदींना कधीपासून कळायला लागलं? असा खोचक प्रश्न उद्धव ठाकरेंनी विचारला आहे.

काय म्हणाले उद्धव ठाकरे?

“देशाचे पंतप्रधान विकास, बेरोजगारी, महागाई या मुद्द्यांवर काहीच बोलत नाहीत. ते कशावर बोलतात? तर मांस कोण खातं आहे? मच्छी कोण खातं आहे? कोणाला किती मुलं होणार? या विषयांवर ते बोलतात.” असं उद्धव ठाकरे म्हणाले.

bachchu kadu
“तुला माझ्याशिवाय कोणी दिसत नाही? रात्री स्वप्नात येईन अन्…”, बच्चू कडूंचा रवी राणांना टोला
What Poonam Mahajan Said?
भाजपाने तिकिट कापल्यानंतर पूनम महाजन यांची पहिली प्रतिक्रिया, म्हणाल्या, “मी…”
bacchu kadu vs ravi rana
“मला अतिशय आनंद होतोय, राणांचा पैसा आणि खासदारकी…”, मैदान नाकारल्यानंतर बच्चू कडूंची घणाघाती टीका
Nitin Gadkari Faints during Speech at Yavatmal Lok Sabha Election 2024
Show Must Go On : नितीन गडकरींना भरसभेत भोवळ, औषधोपचारानंतर पुन्हा भाषणाला सुरुवात!
uddhav thackeray viral video
शरद पवारांनी उद्धव ठाकरेंना बाहेर जायला सांगितलं, ठाकरेंनी हात जोडले अन्..; भाजपाने शेअर केला ‘तो’ VIDEO
Kiran Mane on Ujjwal Nikam
“दोन पक्षांवर दरोडे पडले तेव्हा हा भामटा…”, किरण मानेंची उज्ज्वल निकम यांच्यावर टीकात्मक पोस्ट
pm modi on prajwal revanna sex tape row
प्रज्वल रेवण्णा प्रकरणावर पंतप्रधान मोदींनी पहिल्यांदाच केलं भाष्य; म्हणाले…
uddhav thackeray devendra fadnavis eknath shinde
“मविआ सरकार फडणवीसांना अटक करणार होतं”, मुख्यमंत्र्यांच्या आरोपांवर उद्धव ठाकरे म्हणाले, “संजय राऊतांनी…”

आणखी काय म्हणाले उद्धव ठाकरे?

“भाजपाचे नेते म्हणतात गेल्या निवडणुकीत शिवसेनेचे उमेदवार मोदींचा फोटो लावून निवडून आले. या निवडणुकीत गद्दार सेनेच्या उमेदवारांना निवडणून आणण्यासाठी मोदींचा फोटो का वापरला जात नाही? कारण मोदींचं नाव महाराष्ट्रात चालत नाही. त्यांचं नाणं महाराष्ट्रात चालेनासं झालं आहे. अमित शाह यांचा तर महाराष्ट्राशी काडीचा संबंध नाही. अमित शाह इकडे येऊन फणा काढतात, मणिपूरमध्ये जाऊन शेपूट घालतात.” अशी बोचरी टीकाही उद्धव ठाकरेंनी केली.

हे पण वाचा- “माझ्या आईचं मंगळसूत्र या देशासाठी..”, प्रियांका गांधी यांचं पंतप्रधान नरेंद्र मोदींना जोरदार प्रत्युत्तर

पंतप्रधान मोदी कायम ‘मेरा परिवार, मेरा परिवार’ म्हणत असतात. पण मोदींनी किती शेतकऱ्यांच्या मुलांना नोकरी दिली? परिवारातील लोक बेरोजगार बसले आहेत, भीक मागत आहेत. मग नुसतं ‘मेरा परिवार’ बोलून काय फायदा?, असा प्रश्न उद्धव ठाकरे यांनी विचारला.

आता या सरकारची मस्ती तुम्हाला घालवावी लागेल. निवडणूक आयोग हा भाजपाचा घरगडी आहे. निवडणूक आयोग म्हणतं, ‘जय भवानी’ हा शब्द काढा. हा शब्द काढून प्रचारगीतात मोदींचं नाव टाकू का? तुम्हाला उद्धव ठाकरेला संपवायचे आहे, हे ठीक आहे. पण दैवतावरही तुमचा आकस आहे. यंदाच्या निवडणुकीत आपल्याला नांदेडमधील चिखल साफ करायचा आहे, असं आवाहन उद्धव ठाकरेंनी केलं आहे.