25 February 2021

News Flash

IPL 2020: धोनीबद्दल CSKने दिली मोठी अपडेट

खुद्द संघाचे CEO विश्वनाथन यांनी दिली माहिती

महेंद्रसिंग धोनी (फोटो - IPL/BCCI)

महेंद्रसिंग धोनीच्या नेतृत्वाखालील चेन्नई सुपर किंग्जचा संघ IPLच्या इतिहासात पहिल्यांदा बाद फेरी गाठण्यात अपयशी ठरला. धोनीच्या संघाचा आतापर्यंत IPLमधील सर्वात संतुलित संघ असा लौकिक होता. पण यंदा त्यांना लौकिकाला साजेसा खेळ करणं शक्य झालं नाही. मधल्या काळात धोनीच्या खराब फॉर्ममुळे तो कदाचित स्वत:ला संघाबाहेर ठेवून नव्या दमाच्या खेळाडूला संघाची धूरा देणार की काय असा अंदाज बांधला जात होता. पण, कर्णधाराने कधीही पळ काढायचा नसतो असं सांगत धोनीने त्या चर्चांना पूर्णविराम दिला होता. अशा परिस्थितीत CSKचे CEO कासी विश्वनाथन यांनी धोनीबद्दल महत्त्वाची अपडेट दिली.

“IPLमध्ये धोनीने संघासाठी ३ विजेतेपजदं मिळवून दिली आहेत. बाद फेरीसाठी पात्र न ठरण्याची ही आमच्या संघाची पहिलीच वेळ आहे. आमच्या संघाएवढं सातत्य आजपर्यंत इतर कोणत्याही संघाने दाखवलेलं नाही. एका खराब वर्षामुळे आम्ही सरसकट बदल करायला हवा असं अजिबात नाही. पुढच्या वर्षीच्या IPL स्पर्धेत धोनी नक्की खेळेल आणि मला खात्री आहे की तो संघाचं नेतृत्व करत असेल. IPL 2021मध्ये CSKचा कर्णधार धोनीच असेल”, असे विश्वनाथन टीओआयशी बोलताना म्हणाले.

“यंदाच्या हंगामात आम्हाला आमच्या लौकिकाला साजेसा खेळ करता आला नाही. काही सामने आम्ही जिंकायला हवे होते, पण ते सामने आम्ही गमावले. अशा अटीतटीच्या सामन्यांचा आम्हाला फटका बसला. सुरेश रैना, हरभजन सिंग या दोघांनी घेतलेली माघार आणि स्पर्धेच्या आधी करोनाचा CSKच्या गोटात झालेला शिरकाव यामुळे संघाचं संतुलन काहीसं बिघडलं”, अशी कबूली त्यांनी दिली.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on October 27, 2020 2:22 pm

Web Title: ms dhoni huge update from csk ceo viswanathan says msd will lead team in ipl 2021 vjb 91
Next Stories
1 IPL 2020 : “गेल भैय्या आहेत King Of…”; पंजाबच्या संघाकडून मिर्झापूर स्टाइल कौतुक
2 IPL 2020 : “माझे बाबा मला नेहमी सांगायचे की…”; विजयानंतर मनदीपने सांगितली आठवण
3 मनदीपचा तो फोटो पाहून सुनिल शेट्टीही झाला भावूक; म्हणाला…
Just Now!
X