मुंबई इंडियन्सविरुद्धच्या सामन्यात षटकांची गती संथ राखल्याबद्दल राजस्थान रॉयल्सचा कर्णधार स्टीव्ह स्मिथला १२ लाख रुपयांचा दंड ठोठावण्यात आला आहे. मंगळवारी झालेल्या या लढतीत मुंबईने राजस्थानला ५७ धावांनी धूळ चारली. निर्धारित वेळेत राजस्थानने एक षटक कमी टाकल्याने स्मिथला दंड ठोठावण्यात आला. अली खानची माघार अमेरिकेचा वेगवान गोलंदाज अली खानने दुखापतीमुळे ‘आयपीएल’मधून माघार घेतली आहे. कोलकाता नाइट रायडर्सच्या अलीला एकही सामना खेळण्याची संधी मिळाली नाही. त्यातच आता दुखापतीमुळे ‘आयपीएल’मध्ये खेळणारा पहिला अमेरिकन खेळाडू ठरण्याची त्याची संधीही हुकली.
