News Flash

पहिल्या सामन्याआधी वॉर्नरला मिळाल्या खास व्यक्तीकडून शुभेच्छा

पाहा व्हिडीओ

इंडियन प्रीमियर लीग क्रिकेट स्पर्धेमध्ये आज, सोमवारी रॉयल चॅलेंजर्स बेंगळूरु आणि सनरायजर्स हैदराबाद यांच्यात सामना होणार आहे. दोन्ही संघाचा आयपीएलच्या १३ व्या हंगामातील पहिलाच सामना आहे. या सामन्यापूर्वी हैदराबाद संघाचा कर्णधार डेव्हिड वॉर्नरला खास व्यक्तीकडून शुभेच्छा आल्या आहे.

डेव्हिड वॉर्नरला बंगळुरुविरोधातील सामन्यापूर्वी पत्नी कँडी आणि मुलांकडून शुभेच्छा आल्या आहेत. डेविड वॉर्नरने आपल्या इन्स्टाग्राम खात्यावर कुटुंबाकडून आलेल्या शुभेच्छाही व्हिडीओ पोस्ट केला आहे. यामध्ये पत्नी आणि मुलं वॉर्नरला पहिल्या सामन्यापूर्वी व्हिडीओ मेसेज पाठवून शुभेच्छा दिल्या आहेत. हा व्हिडीओ वॉर्नरने शेअर करत पाठींबा दिल्याबद्दल धन्यवाद म्हणून मेसेज पोस्ट केला आहे. पहिल्या सामन्याआधी मला अनेकांकडून शुभेच्छा येत आहेत. मात्र, पत्नी आणि मुलांकडून आलेल्या शुभेच्छा माझ्यासाठी खास आहेत, असं डेव्हिड वॉर्नरने म्हटलेय.

 

Instagram वर ही पोस्ट पहा

 

Pumped for tonight’s game and makes it even more special when you get lots of messages from all your supporters. My number ones can’t be here with me but sending us lots of love and support. Thanks @candywarner1 and my gorgeous girls mwaaa love you #family #orangearmy @sunrisershyd

रोजी David Warner (@davidwarner31) ने सामायिक केलेली पोस्ट

सनरायजर्स हैदराबादची भिस्त नेहमीप्रमाणे कर्णधार आणि सलामीवीर डेव्हिड वॉर्नरवर आहे. वॉर्नरने तीन वेळा ‘आयपीएल’मध्ये ‘ऑरेंज कॅप’ (हंगामात सर्वाधिक धावा करणारा फलंदाज) पुरस्कार पटकावला आहे. त्याच्या नेतृत्वाखाली हैदराबादने २०१६मध्ये ‘आयपीएल’ जिंकली आहे. जॉनी बेअरस्टोसोबत वॉर्नर सलामीला येत असल्याने हैदराबादला चांगली सुरुवात अपेक्षित आहे. बेअरस्टो आणि वॉर्नर यांनी गेल्या हंगामात बेंगळूरुविरुद्धच केलेली १८५ धावांची सलामी (१६.२ षटकांत) ही ‘आयपीएल’च्या इतिहासात सर्वोत्तम ठरली होती.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on September 21, 2020 6:23 pm

Web Title: srh captain david warner receives good luck wishes from wife candice and daughters ahead of match against rcb in dream11 ipl 2020 watch adorable video nck 90
टॅग : IPL 2020
Next Stories
1 IPL 2020 : ‘तो’ वादग्रस्त निर्णय तिसऱ्या पंचांच्या मध्यस्थीने बदलता आला असता का? जाणून घ्या…
2 पंचाच्या ‘त्या’ निर्णयाविरोधात पंजाब संघाची रेफरीकडे तक्रार
3 चेन्नईला दिलासा, महिनाभरानंतर मराठमोळा फलंदाज मैदानावर
Just Now!
X