डॉ. नरेंद्र दाभोलकर यांची हत्या आणि महिलांवरील अत्याचारांच्या वाढत्या घटनांचा निषेध करण्यासाठी ‘बॉम्बे युनिव्हर्सिटी अ‍ॅण्ड कॉलेज टीचर्स युनियन’ (बुक्टू) या प्राध्यापकांच्या संघटनेतर्फे मंगळवारी (२७ ऑगस्ट) मुंबई विद्यापीठाच्या कलिना संकुलात मोर्चाचे आयोजन करण्यात आले आहे.घटनेला आठवडा झाला तरी दाभोलकरांचे मारेकरी मोकाट आहेत. त्यानंतर काहीच दिवसांत मुंबईत एका वृत्तछायाचित्रकार महिलेवर पाच जणांनी बलात्कार केल्याची संतापजनक घटना घडली. सामाजिक कार्यकर्ते आणि महिला या राज्यात सुरक्षित नसून ढासळलेल्या कायदा व सुव्यवस्थेचेच प्रतीक आहेत. याचा निषेध करण्यासाठी प्राध्यापक बुक्टूच्या माध्यमातून एकत्र येणार आहेत.
