कोल्हापूर : कोल्हापूर शहरात आज वादळी वाऱ्यासह गारांचा जोरदार पाऊस झाला. सायंकाळी आलेल्या पावसाने अवघे शहर जलमय झाले. जिल्ह्याच्या अन्य भागातही पावसाने झोडपून काढले. चैत्र पौर्णिमेला कोल्हापुरात चांगला पाऊस झाला होता. काही भागात मोठी गारपीट झाली होती. त्यानंतर पुन्हा उकाडा वाढला होता. आज सायंकाळी ढग दाटून आले. पाठोपाठ वादळी वाऱ्याला सुरुवात झाली. गारांचा जोरदार पाऊस पडला. रस्तोरस्ती गारा पडल्या. त्याची छायाचित्रे समाज माध्यमातून अग्रेषित करण्यात आली. काही मुलांनी पावसात खेळण्याचा आनंद लुटला. इचलकरंजी, हातकणंगले, शिरोळ तसेच अन्य भागातही जोरदार पाऊस पडला.
