News Flash

लिंगनूर ग्रामपंचायतीचे सात सदस्य अपात्र

ग्रामपंचायतीच्या सन २०१५ मध्ये झालेल्या निवडणुकीत खर्चाचा हिशेब न दिल्याने जिल्हाधिकाऱ्यांनी सरपंच, उपसरपंचासह सातजणांना अपात्र ठरविले.

िलगनूर (कापशी) (ता. कागल) येथील ग्रामपंचायतीच्या सन २०१५ मध्ये झालेल्या पंचवार्षकि निवडणुकीत ग्रामविकास आघाडीतून नऊ पकी सात उमेदवार निवडून आले होते. त्यांनी निवडणूक खर्चाचा हिशेब न दिल्याने जिल्हाधिकाऱ्यांनी सरपंच, उपसरपंचासह सात जणांना सोमवारी अपात्र ठरविले.  पुढील पाच वर्षांसाठी त्यांना निवडणूक लढविता येणार नाही, असा आदेशही दिला असून ग्रामपंचायतीवर प्रशासक येण्याची शक्यता आहे.या निर्णयामुळे सत्ताधारी मंडलिक गटाला मोठा धक्का बसला आहे.
िलगनुर (ता. कागल ) येथे २०१५ मध्ये ग्रामपंचायतीची पंचवार्षिक निवडणूक झाली होती. त्यामध्ये ग्रामविकास आघाडीतून सरपंच प्रमोद कुराडे, उपसरपंच अनिता आवळेकर, सदस्य अमित यादव, सरिता चेचर, भारती कांबळे, प्रमिला स्वामी, दादा पाटील हे सात जण निवडून आले होते. या पंचवार्षकि निवडणुकीमध्ये निवडणुकीचा हिशेब वेळेत न दिल्याने िलगनूर (कापशी) येथील संभाजी हरी यादव, राहूल नेताजी आवळेकर यांनी १ सप्टेंबर २०१५ रोजी जिल्हाधिकारी कोल्हापूर यांचेकडे तक्रार देऊन त्यांना अपात्र ठरविण्याची मागणी केली होती. तक्रारदारांच्यावतीने अॅड. सुरेश के. पाटील (करडय़ाळकर) यांनी काम पाहिले.
जिल्हाधिकाऱ्यांनी सबळ पुराव्याच्या आधारे या सात जणांना सोमवारी अपात्र ठरविले आहे. जिल्हाधिकाऱ्यांच्या या निर्णयामुळे कागल तालुक्यातील राजकीय क्षेत्रात खळबळ उडाली आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on March 16, 2016 2:07 am

Web Title: village council 7 members ineligible
Next Stories
1 समीरच्या जामीन अर्जावर २३ मार्च रोजी निर्णय
2 सोलापुरात काँग्रेस अध्यक्षपदासाठी पात्र उमेदवार मिळेना
3 ‘समाजमाध्यमांमुळे संगणकीय गुन्ह्यामध्ये वाढ’
Just Now!
X