कोल्हापूर : विकलेली मोटार ओमनी व्हॅन परत मिळवून देण्यासाठी १० हजार रुपयाची लाच स्वीकारल्या प्रकरणी जयसिंगपूर पोलीस ठाण्यातील सहाय्यक पोलीस निरीक्षक गुरुवारी रंगेहात पकडला गेला. सोमनाथ देवराम चळचुक (वय ४८, मूळ रा. बाडगी जिल्हा नाशिक) असे या अधिकाऱ्याचे नाव आहे. तक्रारदार यांनी महिंद्रा फायनान्स कडून ओमनी व्हॅन विकत घेतली होती. ती उमळवाड येथील मित्राला विकली होती. तो वित्तीय संस्थेचे हप्ते भरत नव्हता. शिवाय त्याने ती गाडी परस्पर विकली होती. त्यामुळे तक्रारदाराने मोटार परत मिळवण्यासाठी चळचुक याच्याशी संपर्क साधला साधला असता १५ हजार रुपये लाचे ची मागणी केली. तोडजोड अंती १० हजार रुपये देण्याचे ठरले. ही रक्कम आज देत असताना लाच लुचपत प्रतिबंधक विभागाने सापळा रचून चळचूक याला रंगेहात पकडले.
