News Flash

Video : अजब गजब रन-आउट! तुम्हालाही आवरणार नाही हसू

फलंदाजाने रिव्हर्स स्वीप मारण्याचा प्रयत्न केला अन...

करोनानंतर सुमारे चार महिन्यांनी आंतरराष्ट्रीय क्रिकेटला सुरूवात झाली. वेस्ट इंडिजने पहिल्या कसोटीत यजमान इंग्लंडवर ४ गडी राखून विजय मिळवला. वेगवान गोलंदाज शॅनन गॅब्रियलने पहिल्या डावात ४ आणि दुसऱ्या डावात ५ बळी घेतले. या सामन्यात अनेक रोमांचक क्षण पाहायला मिळाले. पण सध्या मात्र एका वेगळ्या सामन्यातील रन-आऊटचा व्हिडीओ व्हायरल होत आहे. हा व्हिडीओ कोणत्याही आंतरराष्ट्रीय किंवा बड्या लीग सामन्यांच्या नाही. हा व्हिडीओ एका स्थानिक टेनिस क्रिकेट सामन्याचा आहे. अनेक ठिकाणी टेनिसच्या चेंडूने क्रिकेटचे सामने भरवले जातात. त्यातीलच एका सामन्यातील व्हिडीओ व्हायरल झाला आहे.

 

View this post on Instagram

 

Dost Dost Na Raha… #feelkaroreelkaro #feelitreelit

A post shared by Aakash Chopra (@cricketaakash) on

एका स्थानिक क्रिकेट स्पर्धेतील प्रकाशझोतात होणाऱ्या सामन्याचा हा व्हिडीओ आहे. या सामन्यात खेळाडू फलंदाजाला गोलंदाजी करतो. फलंदाज रिव्हर्स स्वीप मारण्याचा प्रयत्न करतो पण त्याचा फटका पूर्णपणे फसतो. समोर उभा असलेला साथीदार चोरटी धाव घेण्यासाठी धावतो, पण फलंदाजाचे त्याच्याकडे लक्ष नसते. तो मैत्रिपूर्ण लढतीप्रमाणे आपल्या अंगाला लागून बाजुला उडालेला चेंडू गोलंदाजाला परत करतो. पण त्या साऱ्या गोंधळात त्याचा साथीदार मात्र धाव घेण्यासाठी स्ट्राईकच्या जवळ पोहोचलेला असतो. त्यामुळे परत केलेल्या चेंडूने गोलंदाज स्टंप उडवतो आणि त्या खेळाडूला रन-आऊट करतो असा तो संपूर्ण व्हिडीओ आहे.

प्रसिद्ध समालोचक आकाश चोप्रा याने हा व्हिडीओ आपल्या इन्स्टाग्रामवर पोस्ट केला असून त्यात त्याने दोस्त दोस्त ना राहा.. असे कॅप्शनही दिलं आहे. त्याशिवाय आकाश चोप्राने या व्हिडीओला मजेशीर पद्धतीचं धावतं समालोचनही केलं आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on July 14, 2020 6:15 pm

Web Title: funny video of run out where batsman passes ball to bowler himself surely you will laugh after seeing it vjb 91
Next Stories
1 धर्मामुळे मला राजीनामा द्यायला भाग पाडलं, हॉकी इंडियाचे माजी अध्यक्ष मुश्ताक अहमद यांचा आरोप
2 क्रिकेट बोर्ड आर्थिक संकटात, प्रक्षेपणाचे तीन-तेरा; पाक खेळाडूंवर इंग्लंडमध्ये लॉजवर राहण्याची वेळ
3 2019 WC Final : सुपरओव्हर ब्रेकमध्ये सिगारेट पिऊन स्टोक्सने केलं स्वतःला शांत
Just Now!
X