Sai Sudarshan breaks Sachin Tendulkar’s record : गुजरात टायटन्स आणि चेन्नई सुपर किंग्ज यांच्यात शुक्रवारी सामना रंगला. या सामन्यात नाणेफेक जिंकून सीएसकेने गुजरातला प्रथम फलंदाजीसाठी आमंत्रित केले. जीटीचे सलामीवीर शुबमन गिल आणि साई सुदर्शन यांनी शतकं झळकावत चेन्नईच्या गोलंदाजांचा धुव्वा उडवला. साई सुदर्शनने ५१ चेंडूत १०३ धावांची खेळी खेळली. दरम्यान, त्याने एक मोठा पराक्रम केला आहे. तो आयपीएलच्या इतिहासात सर्वात जलद १००० धावा पूर्ण करणारा भारतीय खेळाडू ठरला. या बाबतीत त्याने ऋतुराज गायकवाडसह मास्टर ब्लास्टर सचिन तेंडुलकरलाही मागे टाकले आहे.

साईने ऋतुराजसह सचिनला टाकले मागे –

साई सुदर्शनची आयपीएलमधील ही २५ वी इनिंग होती. या इनिंगमध्ये त्याने आयपीएलमधील १००० धावा पूर्ण केल्या. यासह साई सुदर्शन सर्वात कमी डावात १००० धावा करणारा भारतीय ठरला आहे. त्याच्या आधी हा विक्रम सचिन तेंडुलकर आणि ऋतुराज गायकवाड यांच्या नावावर होता, ज्यांनी ३१व्या डावात ही कामगिरी केली होती. एकूण विक्रमाबद्दल बोलायचे, तर शॉन मार्शच्या नावावर आहे. ऑस्ट्रेलियाच्या शॉन मार्शने २१ व्या डावात एक हजार धावा पूर्ण केल्या होत्या. लेंडल सिमन्स २३ आणि मॅथ्यू हेडनने २५ व्या डावात एक हजार धावांचा आकडा गाठला आहे.

Abhishk Sharma Video Call to Yuvraj Singh
VIDEO: अभिषेक शर्माने पहिल्या शतकानंतर युवराज सिंगला केला व्हीडिओ कॉल; सिक्सर किंग पाहा काय म्हणाला?
Hardik Pandya Becomes No 1 Bowler After T20 WC Heroics
हार्दिक पंड्याने रचला इतिहास, भारतीय क्रिकेटच्या इतिहासात ‘ही’ कामगिरी करणारा ठरला पहिला खेळाडू
best moment of my career says rohit sharma after winning t20 world cup
माझ्या कारकीर्दीतील सर्वोत्तम क्षण! ट्वेन्टी२० विश्वविजयानंतर कर्णधार रोहितची भावना
Rohit Sharma Becomes First Captain to win 50 T20 International Matches
IND vs SA Final: भारताच्या ऐतिहासिक विजयासह रोहित शर्माचा वर्ल्ड रेकॉर्ड, टी-२० क्रिकेटमध्ये ही कामगिरी ठरला पहिलाच कर्णधार
India Won by 68 Runs against England and enter t20 final 2024
IND vs ENG : रोहित शर्माने रचला इतिहास! धोनी-बाबरला मागे टाकत ‘हा’ पराक्रम करणारा ठरला जगातील पहिलाच कर्णधार
Rohit sharma broke Fastesf Fifty Record by Captain in T20 World Cup history
IND v AUS: कॅप्टन रोहित शर्माचे टी-२० वर्ल्डकपच्या इतिहासातील वेगवान अर्धशतक, १७ वर्षे जुना विक्रम मोडला
Rohit Sharma breaks Chris Gayle's record
IND vs BAN : रोहित शर्माने रचला इतिहास! ख्रिस गेलचा ‘हा’ षटकारांचा विक्रम मोडत ठरला नवा ‘सिक्सर किंग’
Smriti Mandhana first Indian woman to hit consecutive ODI hundreds
INDW vs SAW: स्मृती मानधनाने शतकी खेळीसह रचला इतिहास, वनडेमध्ये ‘ही’ कामगिरी करणारी पहिली भारतीय महिला फलंदाज

शुबमन-साईची पहिल्या विकेटसाठी विक्रमी भागीदारी –

साई सुदर्शनने गुजरात टायटन्ससाठी शानदार फलंदाजी करत ५१ चेंडूत १०३ धावांची खेळी केली. या खेळीत त्याने ५ चौकार आणि ७ षटकार मारले. हे त्याच्या आयपीएल कारकीर्दीतील पहिले शतक आहे. आयपीएल २०२३ च्या फायनलमध्येही त्याने चेन्नईविरुद्ध दमदार फलंदाजी केली होती. पण दुर्दैवाने तो ९६ धावांवर बाद झाला. अंतिम फेरीत सुदर्शनने २०० पेक्षा जास्त स्ट्राईक रेटने फलंदाजी केली. त्याने या बरोबर शुबमन गिलसह पहिल्या विकेटसाठी विक्रमी २१० धावांची भागीदारी केली. ही आयपीएलमधील पहिल्या विकेटसाठी धावांची संयुक्त सर्वोच्च भागीदारी आहे. यापूर्वी २०२२ मध्ये केएल राहुल आणि क्विंटन डी कॉक यांनी पहिल्या विकेटसाठी २१०* धावा जोडल्या होत्या.

हेही वाचा – GT vs CSK : आयपीएलमध्ये ‘शतक शंभरी’; शुबमन गिल, साई सुदर्शनने झळकावली वेगवान शतकं

सर्वात जलद १००० आयपीएल धावा करणारे भारतीय (डावाच्या बाबतीत)

२५* – साई सुदर्शन
३१ – सचिन तेंडुलकर
३१ – ऋतुराज गायकवाड
३३ – तिलक वर्मा
३४ – सुरेश रैना