News Flash

VIDEO: ‘ड्रेसिंग रुम’मध्ये भारतीय संघाने असे केले विजयाचे सेलिब्रेशन

भारतीय संघाला मानाची गदा देऊन यावेळी गौरविण्यात आले.

India officially climbed to top of the ICC Test rankings on Tuesday after beating New Zealand.

इंदूर कसोटीत भारतीय संघाने न्यूझीलंडवर तब्बल ३२१ धावांनी विजय प्राप्त केला. किवींना तीन सामन्यांच्या कसोटी मालिकेत भारतीय संघाने व्हाईटवॉश दिला. भारतीय संघाने या विजयासह कसोटी क्रिकेटमध्ये अव्वल स्थान तर मिळवलेच पण फिरकीपटू आर.अश्विनने देखील इंदूर कसोटीत कमाल केली. अश्विन देखील गोलंदाजांच्या यादीत पहिल्या क्रमांकाचा गोलंदाज ठरला आहे. भारतीय संघासाठी हा विजय ऐतिहासिक ठरला. कसोटी क्रमवारीत अव्वल स्थान प्राप्त केलेल्या भारतीय संघाला मानाची गदा देऊन यावेळी गौरविण्यात आले. विराट कोहलीच्या नेतृत्त्वाखालील संघाने ड्रेसिंग रुममध्ये या विजयाचे सेलिब्रेशन देखील केले. ‘आयसीसी’कडून प्रदान करण्यात आलेली गदा घेऊन सर्वांनी फोटोसेशन केले. विराट कोहलीसह संपूर्ण संघ यावेळी फोटो काढण्यात मग्न होते. प्रत्येक जण एकमेकांना शुभेच्छा देऊन विजय साजरा करत होते. संघाच्या व्यवस्थापकीय मंडळातील सदस्य देखील खेळाडूंना शुभेच्छा देऊन आपला आनंद व्यक्त करत होते. प्रशिक्षक अनिक कुंबळे प्रत्येक खेळाडूची भेट घेऊन खेळाडूच्या पाठीवर कौतुकाची थाप देताना दिसले.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on October 12, 2016 12:53 pm

Web Title: how india celebrated series win and no 1 test ranking watch video
Next Stories
1 आम्ही जगज्जेते झालो तरी मायदेशी कौतुक होणार नाही!
2 भारताची पराभवाची मालिका कायम
3 घरच्या मैदानावर विजयासाठी पुणे सिटी क्लब उत्सुक
Just Now!
X