कोलकाता : लाचलुचपत प्रतिबंधक नियमांचे उल्लंघन केल्यामुळे राष्ट्रीय निवड समितीचे सदस्य देवांग गांधी यांना सोमवारी बंगाल रणजी संघांच्या ड्रेसिंग रूममधून बाहेर जाण्यास सांगण्यात आले. सामन्याच्या दुसऱ्या दिवशी हा प्रकार घडला. सामना चालू असताना खेळाडू आणि मार्गदर्शकांव्यतिरिक्त कुणालाही ड्रेसिंग रूममध्ये जाण्याची परवानगी नसते. ‘‘मी प्रत्येक नियमाचे पालन करतो. बंगालचे प्रशिक्षक अरुण लाल यांना भेटण्यासाठी मी गेलो होतो. परंतु मी लाचलुचपत प्रतिबंधक अधिकाऱ्यांची परवानगी घेतली नव्हती,’’ असे गांधी यांनी सांगितले.
