भारताचा माजी कसोटीपटू राहुल द्रविडने बेंगळूरुत त्याला चार कोटींचा गंडा घालणाऱ्या विक्रम इन्व्हेस्टमेंट कंपनीविरोधात पोलिसात तक्रार दाखल केली आहे. दोन दिवसांपूर्वी द्रविडने ही तक्रार दाखल केल्याचे सदाशिवनगर येथील पोलीस निरीक्षक नवीन यांनी सांगितले. द्रविडसह या कंपनीने अनेक क्रीडापटूंना फसवल्याची बाब समोर आली आहे. मात्र, त्याविरोधात तक्रार करणारा द्रविड हा पहिलाच खेळाडू आहे. त्या जोरावर पोलिसांनी कंपनीचे मालक राघवेंद्र श्रीनाथ आणि एजंट सुत्राम सुरेश, नरसिम्हामूर्ती, के. सी. नागराज आणि प्रल्हाद यांना अटक केली आहे.
