सूर्यकुमार यादवच्या झंझावाती शतकाच्या जोरावर मुंबई इंडियन्सने ७ विकेट्सने हैदराबादवर विजय मिळवला. मुंबई इंडियन्सने या विजयासह हैदराबादकडून मागील सामन्यातील पराभवाचा बदला घेतला. सूर्यकुमार यादवने ५१ चेंडूत १२ चौकार आणि ६ षटकारांच्या जोरावर १०२ धावांची तुफान खेळी केली. एकटा सूर्याचं हैदराबादच्या संघावर भारी पडला आणि पराभवासह हैदराबादला प्लेऑफमध्ये जाण्यासाठी अधिक खडतर प्रवासाचा सामना करावा लागणार आहे. सूर्याला तिलक वर्माने चांगली साथ देत ३२ चेंडूत ३७ धावांची खेळी केली. हैदराबादने दिलेल्या १७४ धावांच्या लक्ष्याचा पाठलाग करताना सूर्याने ६ धावांची गरज असताना विजयी षटकारासह लक्ष्य पूर्ण केले. मुंबईने १७.२ षटकांत हे लक्ष्य सहज गाठले.

१७३ धावांच्या लक्ष्याचा पाठलाग करण्यासाठी आलेल्या मुंबईने चांगली सुरूवात केली. इशान किशनने पहिल्या २ चेंडूवर शानदार चौकार लगावले, तर रोहितने पहिल्याच षटकात एक चौकार लगावला. तर दुसऱ्या षटकात इशान किशनने चांगले शॉट्स खेळले पण तो यान्सनच्या गोलंदाजीवर बाद ९ धावा करत बाद झाला. यानंतर कमिन्स आणि भुवनेश्वरचे षटक मुंबईला धक्के देणारे ठरले. रोहित शर्मा ४ धावा करत कमिन्सच्या गोलंदाजीवर झेलबाद झाला. तर नमन धीरला ९ चेंडूत एकही धाव करता आली नाही आणि तो खातेही न उघडता बाद झाला. या सलग दोन धक्क्यांनंतर पुन्हा मुंबई इंडियन्स गडबडणार असे वाटले पण सूर्यकुमारने संघाचा डाव उचलून धरला.

Rinku Singh Takes Gautam's Blessings after KKR 3rd time champions in IPL
KKR vs SRH : रिंकू सिंग नतमस्तक होताच गौतम गंभीरने मारली मिठी, केकेआरच्या जेतेपदानंतरचा VIDEO व्हायरल
After defeating sunrise Hyderabad Kolkata knight rider will win the IPL title for the third time ipl 2024
कोलकाताने करुन दाखवलेच! कमिन्सच्या हैदराबादला नमवत तिसऱ्यांदा ‘आयपीएल’च्या जेतेपदावर मोहोर
Pat Cummins credits Daniel Vettori for SRH victory
SRH vs RR : डॅनियल व्हिटोरीच्या मास्टरस्ट्रोकने बदलला सामना! पॅट कमिन्सने विजयानंतर केला मोठा खुलासा
Kavya Maran Celebration After Hyderabad Win
SRH vs RR : काव्या मारनने शेवटच्या षटकाचीही वाट न पाहता वडिलांना मारली मिठी, सेलिब्रेशनचा VIDEO व्हायरल
Sunrisers Hyderabad beat Rajasthan Royals by 36 runs
RR vs SRH : सामना हरताना पाहून राजस्थान रॉयल्सची चाहती भावूक, ढसाढसा रडतानाचा VIDEO व्हायरल
Indian Premier League Cricket Sunrisers Hyderabad vs Rajasthan Royals
इंडियन प्रीमियर लीग क्रिकेट: हैदराबादच्या फलंदाजांचा कस! ‘क्वॉलिफायर२’मध्ये आज फिरकीला अनुकूल खेळपट्टीवर राजस्थानशी लढत
RR vs RCB Highlights IPL 2024 Eliminator Match Updates in Marathi
RR vs RCB Highlights, IPL 2024 Eliminator : ट्रॉफी जिंकण्याचं आरसीबीच्या पुरुष संघाचं स्वप्न यंदाही भंगलं, राजस्थान विजयासह क्वालिफायर-२ मध्ये दाखल
Indian Premier League Cricket Rajasthan Royal vs Royal Challengers Bangalore match sport
इंडियन प्रीमियर लीग क्रिकेट: राजस्थानसमोर लय मिळवण्याचे आव्हान! ‘एलिमिनेटर’मध्ये आज रॉयल चॅलेंजर्स बंगळूरुशी गाठ

सूर्यकुमार यादव सुरूवातीच्या काही चेंडूवर बाद होता होता वाचला पण तो मैदानात टिकून राहिला. त्यानंतर आलेल्या तिलक वर्माने त्याला शेवटपर्यंत चांगली साथ दिली. सूर्या चांगली फटकेबाजी करत होता तर संधी मिळताच तिलकनेही आपले फटके दाखवून दिले. कमिन्सच्या भेदक गोलंदाजीला सडेतोड उत्तर देत तिलकने एक शानदार चौकार लगावला आणि त्यानंतर दोघांनी फटकेबाजी सुरू केली मग संघाला विजय मिळवूनच हे दोघे परतले. तिलकने ३२ चेंडूत ६ चौकारांसह ३७ धावा केल्या.

तत्पूर्वी नाणेफेक गमावल्यानंतर प्रथम फलंदाजीला आलेल्या हैदराबादची फलंदाजी बाजू आज शांत होती. मुंबईच्या गोलंदाजांनी आपली उत्कृष्ट गोलंदाजी दाखवत हैदराबादच्या धावांना ब्रेक लावला. हैदराबादने हेडच्या ४८ धावा आणि कमिन्सच्या ३५ धावांच्या खेळीसह १७३ धावा केल्या. हेडला सामन्यात दोनदा जीवदान मिळाले पण तो मोठी धावसंख्या उभारू शकला नाही. बुमराहच्या गोलंदाजीसमोर अभिषेक शर्मा ११ धावा करत बाद झाला. तर हैदराबादचे इतर फलंदाजही २० धावांचा आकडा न गाठताच माघारी गेले. पॅट कमिन्सने अखेरच्या षटकांमध्ये ३५ धावा करत संघाची धावसंख्या १७३ वर नेली. मुंबईकडून हार्दिक पंड्या आणि पियुष चावलाने सर्वाधिक ३-३ विकेट्स घेतल्या तर बुमराह आणि पदार्पणवीर अंशुल कंबोजने प्रत्येकी १ विकेट मिळवली.