चेन्नई सुपर किंग्सचा संघ यंदा दुखापतींतून जात आहे. दुखापतींमुळे संघाचे अनेक खेळाडू बाहेर झाले आहेत. ज्याचा फटका संघाला बसत आहे. धरमशाला येथे पंजाब किंग्जविरुद्धच्या सामन्यात संघाची फलंदाजी बाजू ढासळताना दिसली. १६व्या षटकाच्या अखेरीस चेन्नई सुपर किंग्जने १२२ धावांवर सहावी विकेट गमावली तेव्हा धोनी फलंदाजीला येईल, अशी सर्वांची अपेक्षा होती. पण धोनी उशिरा फलंदाजीला आल्याने त्याच्यावर टीका होत आहे. अनेक क्रिकेट दिग्गज तसेच समालोचक त्याच्यावर टीका करताना दिसले. पण आता धोनीने उशिरा फलंदाजीला येण्याचे एक मोठे कारण समोर आले आहे.

धोनी यंदा अखेरच्या षटकांमध्ये फलंदाजी करताना तुफान फॉर्मात आहे. पण धोनी इतका उशिरा फलंदाजीला का येतो, यावरून खूपच चर्चा रंगली आहे. पंजाबविरूद्धच्या सामन्यातही धोनी नवव्या क्रमांकावर फलंदाजीला आला. धोनी नवव्या क्रमांकावर उतरला. टी-20 क्रिकेटच्या इतिहासात पहिल्यांदाच माही इतक्या खालच्या स्तरावर फलंदाजीला आला होता, त्यानंतर त्याच्या निर्णयावर टीका होऊ लागली. पण टाइम्स ऑफ इंडियाने दिलेल्या वृत्तानुसार धोनीला दुखापत झाली आहे आणि तसे असतानाही सामना खेळत आहे.

Ashwin Reacts On Virat Kohli Playing at Number 3
“विराट कोहली म्हणेल, तुम्ही मला खाली आणलंत, आता..”,अश्विनने सांगितला टीमच्या क्रमवारीत बदल केल्यास होणारा परिणाम
Saurabh Netravalkar Exclusive Interview
“मला रंगांधळा म्हणत त्यांनी..”, सौरभ नेत्रावळकरने सांगितला भारत सोडण्याआधीचा किस्सा; म्हणाला, “दोन वर्षं मागितली..”
No concern at all over Virat Kohlis form Team India batting coach Vikram Rathour reaction in T20 WC 2024 Performance
T20 WC 2024 : विराट कोहलीच्या फॉर्ममुळे टीम इंडिया चिंतेत? फलंदाजी प्रशिक्षक म्हणाले, “दोन-तीन वेळा अशा प्रकारे आऊट…”
IND vs PAK: Wasim Akram Tells Reason of Pakistan Defeat
“बाबर, आफ्रिदी एकमेकांशी बोलत नाहीत, रिझवानला तर..”, वासिम अक्रमनं सांगितली पाकिस्तान हरण्याची ३ नेमकी कारणं
Mohammad Amir's strategy to dismiss the hitman
IND vs PAK : रोहितला आऊट करण्याच्या रणनीतीबद्दल आमिरचा मोठा खुलासा; म्हणाला, “त्याला फक्त…”
Arshdeep Singh takes two wickets in one over
वर्ल्डकपच्या पहिल्याच सामन्यात ‘सिंग इज किंग’, एकाच षटकात दोन आयरिश फलंदाजांना दाखवला तंबूचा रस्ता, पाहा VIDEO
all eyes on the performance of the indian team in icc t20 world cup
विश्वचषकात अमेरिकेच्या पदार्पणाची उत्सुकता; ‘आयसीसी’ जेतेपदाचा दुष्काळ संपवण्याचे भारताचे ध्येय
Gautam Gambhir reaction to KKR title
“…उसका रथ आज भी श्रीकृष्ण ही चलाते हैं”, KKRला चॅम्पियन बनवल्यानंतर गौतम गंभीरची प्रतिक्रिया व्हायरल

टाईम्स ऑफ इंडियाने दिलेल्या वृत्तानुसार, चेन्नई सुपर किंग्जमधील एका सूत्राने सांगितले की, माजी कर्णधार संपूर्ण आयपीएलमध्ये हॅमस्ट्रिंगच्या दुखापतीसह खेळत आहे आणि त्यामुळे फार वेळ धावणं त्याच्या दुखापतीसाठी अधिक घातक ठरू शकतं. आयपीएलच्या सुरुवातीच्या दिवसांमध्ये धोनीच्या पायाचे स्नायू फाटले. धोनी यामुळे आयपीएल २०२४ मधून ब्रेकही घेणार होता. पण जेव्हा संघाचा दुसरा यष्टीरक्षक फलंदाज डेव्हॉन कॉनवे दुखापतीमुळे आयपीएल खेळण्यासाठी भारतात येऊ शकत नसल्याने माहीला स्वत:ला ब्रेक देण्याचा विचार काढून टाकावा लागला. धोनीला वेदना असूनही औषधे घेऊन खेळावे लागत आहे आणि कमी धावण्याचा प्रयत्न करावा लागतो, अशी परिस्थिती आहे.

सूत्राने सांगितले की, ‘आम्ही आमच्या ‘बी’ संघासोबत खेळत आहोत. जे लोक धोनीवर टीका करत आहेत त्यांना माहितही नाही की तो या संघासाठी किती त्याग करत आहे. डॉक्टरांनी त्याला विश्रांती घेण्याचा सल्ला दिला आहे पण यष्टीरक्षक-फलंदाजाकडे दुसरा पर्याय नाही कारण दुखापतींमुळे संघ आधीच कमकुवत झाला आहे. सरावादरम्यान धोनी अजिबात धावत नाही आणि त्याची संपूर्ण तयारी मोठे फटके खेळण्याची आहे. नवीन कर्णधार ऋतुराज गायकवाडसाठी तो मार्गदर्शक ठरला आहे, ज्याने चांगली कामगिरी केली. वेगवान गोलंदाज मथिशा पाथिराना आणि दीपक चहर दुखापतीमुळे स्पर्धेतून बाहेर झाले आहेत.

धोनी गेल्यावर्षीच्या आयपीएलमध्ये गुडघ्याच्या दुखापतीसह खेळला होता. आयपीएलचे जेतेपद मिळवल्यानंतर लगेचच धोनीच्या गुडघ्यावर शस्त्रक्रिया करण्यात आली होती. गुडघ्याच्या दुखापतीतून धोनी सावरला असला तरी ही पायाची दुखापत त्याच्यासाठी यंदाच्या मोसमात अधिक त्रासदायक ठरत आहे.