‘फिडे’ ग्रँड स्विस बुद्धिबळ स्पर्धा : दिव्या विजयी; हरिकाची बरोबरी

तिसऱ्या पटावर, दोन वेळच्या रशियन विजेत्या पोगोनिनाविरुद्ध हरिकाने आक्रमक सुरुवात करत महत्त्वपूर्ण आघाडी मिळवली.

भारताची आघाडीची खेळाडू द्रोणावल्ली हरिकाला ‘फिडे’ ग्रँड स्विस बुद्धिबळ स्पर्धेच्या पाचव्या फेरीत नातालिया पोगोनिनाने बरोबरीत रोखले. त्यामुळे या फेरीच्या अखेरीस ३.५ गुणांसह तिला अन्य तीन महिला खेळाडूंसोबत संयुक्त दुसरे स्थान प्राप्त झाले. दिव्या देशमुखने मात्र विजयाची नोंद केली.

तिसऱ्या पटावर, दोन वेळच्या रशियन विजेत्या पोगोनिनाविरुद्ध हरिकाने आक्रमक सुरुवात करत महत्त्वपूर्ण आघाडी मिळवली. मात्र, काही चुकीच्या चाली रचल्याने तिचा विजय हुकला. तिने आतापर्यंत या स्पर्धेत दोन विजय मिळवले असून तिचे तीन सामने बरोबरीत सुटले आहेत. भारताची युवा खेळाडू दिव्याने लॅटवियाच्या मदारा गोलस्तावर ४९ चालींमध्ये मात केली.

आर. वैशाली आणि वंतिका अगरवाल यांना अनुक्रमे सलोमे मेलिया (जॉर्जिया) आणि झाँसाया अब्दुमलिक (कझाकस्तान) यांनी बरोबरीत रोखले. पद्मिनी राऊतला पराभव पत्करावा लागला. पुरुषांमध्ये ग्रँडमास्टर के. शशिकिरणने व्लादिमिर फेदोसीव्हला धूळ चारली.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व क्रीडा बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Fide grand swiss chess tournament divya wins equal to harika akp

Next Story
विजयी भव !
ताज्या बातम्या