भारतीय जलतरणपटू श्रीहरी नटराजनने पुढील महिन्यात होणाऱ्या टोकियो ऑलिम्पिक स्पर्धेसाठी पात्रता दर्शवली आहे. जागतिक संस्था फिनाने रोममधील सेटे कॉली करंडक स्पर्धेतील पुरुषांच्या १०० मीटर बॅकस्ट्रोक प्रकारातील ‘अ’ पात्रता निकषाला मान्यता दिली. यानंतर नटराजला ऑलिम्पिकचे तिकीट मिळाले आहे. स्विमिंग फेडरेशन ऑफ इंडियाने (एसएफआय) ट्विट करत सांगितले, "श्रीहरी नटराजाची ऑलिम्पिक पात्रतेची वेळ फिनाने मंजूर केली आहे. एसएफआयने एफआयएनएला आपले निवेदन पाठवले होते. श्रीहरी टोकियोमध्ये भारताच्या साजन प्रकाशसोबत असेल.'' नटराजने ऑलिम्पिक पात्रतेसाठी लागणाऱ्या ५३.७७ सेकंदाच्या वेळेचा निकष पूर्ण करत राष्ट्रीय विक्रम प्रस्थापित केला. वेळ चाचणीत जलतरणपटूंना इतर प्रतिस्पर्ध्यांशी स्पर्धा करण्याची संधी मिळत नाही, परंतु तो त्याच्या वेळेत सुधारणा करू शकतो. टोकियो ऑलिम्पिकमध्ये प्रथमच दोन भारतीय जलतरणपटूंना थेट पात्रतेद्वारे ऑलिम्पिकमध्ये प्रवेश मिळणार आहे. Sajan Prakash and Srihari Nataraj have booked their #TicketToTokyo! This marks the first time two Indian swimmers have earned automatic qualification for the #Olympics. Get in! #BetterEveryday #OlympicSwimming pic.twitter.com/eVVfDpT5YR — JSW Sports (@jswsports) June 27, 2021 हेही वाचा - इंग्लंडविरुद्धच्या मालिकेपूर्वी टीम इंडियाला मोठा धक्का! साजन प्रकाशचे ऐतिहासिक यश रोम येथील सेटे कॉली करंडक जलतरण स्पर्धेत साजन ऑलिम्पिक पात्रतेचे ‘अ’ निकष गाठणारा भारताचा पहिला जलतरणपटू ठरला. पुरुषांच्या २०० मीटर बटरफ्लाय प्रकारात २७ वर्षीय साजनने १:५६.३८ मिनिटांत निर्धारित अंतर गाठले. ऑलिम्पिक पात्रतेचे ‘अ’ निकष मिळवण्यासाठी १:५६.४८ मिनिटांत हे अंतर सर करणे गरजेते होते. साजनने ०.१० सेकंदापूर्वीच ही कामगिरी केली. त्याशिवाय साजनने स्वत:चाच राष्ट्रीय विक्रम मोडीत काढला. गेल्या आठवड्यात बेलग्रेड येथे झालेल्या स्पर्धेत साजननेच १:५६.९६ मिनिटांचा विक्रम नोंदवला होता.
