जागतिक टेबल टेनिस स्पर्धा : मनिकाला पदकांची हुलकावणी

मिश्र आणि महिला दुहेरीच्या उपांत्यपूर्व लढतीत पराभव

मिश्र आणि महिला दुहेरीच्या उपांत्यपूर्व लढतीत पराभव

ह्युस्टन : भारताची आघाडीची टेबल टेनिसपटू मनिका बत्राला जागतिक अजिंक्यपद स्पर्धेत ऐतिहासिक पदकांनी हुलकावणी दिली. मिश्र आणि महिला दुहेरीच्या उपांत्यपूर्व फेरीत पराभव पत्करावा लागल्याने तिचे या स्पर्धेतील आव्हान पदकाविना संपुष्टात आले.

जागतिक स्पर्धेतील पहिल्या पदकापासून केवळ एक विजय दूर असणाऱ्या मनिका आणि जी. साथियन या अनुभवी जोडीला चांगला खेळ करता आला नाही. मिश्र दुहेरीच्या उपांत्यपूर्व फेरीत त्यांना टोमाकाझू हारिमोटो आणि हिना हयाता या जपानी जोडीने १-३ (५-११, २-११, ११-७, ९-११) असे पराभूत केले. मनिका पदक पटकवण्याच्या दुसऱ्या प्रयत्नातही अपयशी ठरली. महिला दुहेरीच्या उपांत्यपूर्व फेरीत मनिका आणि अर्चना कामत या भारतीय जोडीवर सारा डी नुट्टे आणि झिया लिन नी या लक्झेम्बर्गच्या जोडीने ०-३ (१-११, ६-११, ८-११) अशी सरळ गेममध्ये मात केली. याआधी २०१६ मध्येही उपांत्यपूर्व फेरीतील पराभवामुळे मनिकाचे जागतिक अजिंक्यपद स्पर्धेतील पदक हुकले होते.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व क्रीडा बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Manika batra failed to bag medal at the world table tennis championships zws