Sachin Tendulkar shared a special tweet about his father on Father's Day: आज १८ जून रोजी जगभरात फादर्स डे साजरा केला जात आहे. हा दिवस वडिलांना समर्पित आहे. यावेळी क्रिकेटचा देव म्हटल्या जाणाऱ्या सचिन तेंडुलकरला त्याचे वडील रमेश तेंडुलकर यांची आठवण झाली. सचिनचे वडील कादंबरीकार आणि मराठी शाळेतील शिक्षक होते, ते आता या जगात नाहीत. फादर्स डेनिमित्त सचिन तेंडुलकरने एक खास ट्विट केले आहे. वडिलांची आठवण करून सचिन तेंडुलकर भावूक झाला - फादर्स डेनिमित्त सचिन तेंडुलकरने वडील रमेश तेंडुलकर यांची आठवण काढली. यादरम्यान तो भावूकही झाला. वडिलांसोबतचा फोटो शेअर करत सचिनने लिहिले की, "माझे वडील प्रेमळ होते, कडक नव्हते. घाबरण्याऐवजी त्याने प्रेमाने वागले. त्याने मला खूप काही शिकवले आणि जग माझ्यासाठी अभिप्रेत आहे. त्याची विचारसरणी, मूल्ये आणि पालकत्वाच्या त्याच्या कल्पना काळाच्या खूप पुढे होत्या. मला तुमची आठवण येते बाबा!" सचिननने वडिलांना दिलेले वचन निभावले - एका टीव्ही चॅनलवर बोलताना सचिन तेंडुलकर म्हणाला होता, “जेव्हा मी भारताकडून खेळायला सुरुवात केली, तेव्हा मी शाळेतून नुकताच बाहेर पडलो होतो. मला अनेक जाहिरातींच्या ऑफर मिळू लागल्या, पण माझ्या वडिलांनी मला तंबाखूजन्य पदार्थांची जाहिरात न करण्यास सांगितले होते. मला अनेक ऑफर आल्या पण मी त्यापैकी एकही स्वीकारली नाही." हेही वाचा - Virender Sehwag: “… म्हणून भारतीयांना नव्हे तर परदेशींना कोच केले जायचे”; सेहवागने ग्रेग चॅपलवर केला मोठा आरोप सचिन पुढे म्हणाला, “मी माझ्या वडिलांना दिलेले वचन होते. त्यांनी मला सांगितले की मी एक आदर्श आहे आणि मी जे काही करेन ते बरेच लोक फॉलो करतील. म्हणूनच मी कधीही तंबाखूजन्य पदार्थ किंवा दारूचे समर्थन केले नाही. १९९० च्या दशकात माझ्या बॅटवर स्टिकर नव्हते, माझ्याकडे करार नव्हता. पण संघातील इतर सर्वजण खास ब्रँडचे समर्थन करत होते." सचिन तेंडुलकरची क्रिकेट कारकीर्द - सचिन तेंडुलकरला क्रिकेटचा देव म्हटले जाते. या दिग्गज खेळाडूने एकापेक्षा एक विक्रम आपल्या नावावर केले आहेत. सचिनने २०० कसोटीत १५९२१ धावा केल्या आहेत. त्याने ४६३ एकदिवसीय सामन्यांमध्ये १८४२६ धावा केल्या आहेत. त्याचवेळी सचिनने एकमेव टी-२०मध्ये १० धावा केल्या. त्याने आयपीएलच्या ७८ सामन्यांमध्ये २३३४ धावा केल्या आहेत. सचिनने त्याच्या आंतरराष्ट्रीय क्रिकेट कारकिर्दीत १०० शतके झळकावली आहेत, जो एक विश्वविक्रम आहे.
