Mohammad Amir May Debut in IPL 2024: पाकिस्तानचा माजी वेगवान गोलंदाज मोहम्मद आमिरला २०२४ मध्ये ब्रिटीश पासपोर्ट मिळणार आहे, मग तो यानंतर आयपीएलमध्ये खेळताना दिसणार का? असे प्रश्न सध्या क्रिकेट वर्तुळात विचारले जात आहेत. मोहम्मद आमिरने २०१६ मध्ये ब्रिटीश नागरिक आणि वकील नरजीस खान यांच्याशी लग्न केले होते. मोहम्मद अमीर २०२० पासून इंग्लंडमध्ये राहत आहे. ब्रिटिश पासपोर्टसाठी, यूकेमध्ये ४ वर्षे राहणे आवश्यक आहे. मोहम्मद अमीर पुढील वर्षी ब्रिटनमध्ये ४ वर्षे पूर्ण करणार आहे. यानंतर पाकिस्तानच्या या माजी वेगवान गोलंदाजाला ब्रिटिश पासपोर्ट मिळणार आहे. त्यामुळे यानंतर तो आयपीएलमध्ये खेळणार का? जाणून घ्या. आयपीएल खेळण्यावर काय म्हणाला मोहम्मद आमिर? आयपीएल २०२४मध्ये खेळणार का? या प्रश्नाच्या उत्तरात मोहम्मद अमीर म्हणाला की, “यात अजून एक वर्षाचा कालावधी बाकी आहे. त्यावेळी काय परिस्थिती असेल, आत्ताच सांगता येणार नाही. मी पुढे जात असलो तरी एक वर्षानंतर मी कुठे असेल माहीत नाही. माझे भविष्य कोणालाच माहीत नाही. एकदा मला पासपोर्ट मिळाला की नक्की मी यावर विचार करेन. मात्र, मी अजून चांगली संधी शोधणार आहे.” हेही वाचा: Ashes Series 2023: तिसऱ्या कसोटी सामन्यासाठी इंग्लडची प्लेइंग इलेव्हन जाहीर, जेम्स अँडरसन ऐवजी ‘या’ खेळाडूला मिळाली संधी मोहम्मद अमीरने स्पष्टपणे सांगितले की, “ब्रिटिश पासपोर्ट मिळाल्यानंतर तो इंग्लंडकडून आंतरराष्ट्रीय क्रिकेट खेळणार नाही.” तो पुढे म्हणतो की, “मी आंतरराष्ट्रीय क्रिकेटमध्ये पाकिस्तानचे प्रतिनिधित्व केले आहे. जर भविष्यात मला पाकिस्तानकडून खेळण्याची संधी मिळाली तर मी त्यासाठी तयार आहे. आयपीएल २०२४मध्ये खेळण्याचा माझा विचार आहे पण संधी मिळेल का? हे आताच सांगू शकत नाही.” हेही वाचा: Ajit Agarkar Salary: मुख्य निवडकर्त्याचे वेतन तीन पटीने वाढले, BCCI अजित आगरकरवर का आहे मेहरबान? जाणून घ्या 'जर अल्लाची इच्छा असेल तर मी पुन्हा पाकिस्तानकडून खेळेन'- मोहम्मद आमीर मोहम्मद अमीर पुढे म्हणाला की, “जर अल्लाहची इच्छा असेल तर मी नक्कीच पुन्हा पाकिस्तानसाठी खेळेल.” खरे तर पाकिस्तानमध्ये सत्ताबदल झाल्यानंतर रमीझ राजा यांना पीसीबीच्या अध्यक्षपदावरून हटवण्यात आले होते. रामजी राजा यांनी पीसीबीच्या अध्यक्षपदावरून पायउतार झाल्यानंतर मोहम्मद अमीरच्या पुनरागमनाबद्दल अटकळ बांधली जात आहे. याशिवाय ब्रिटिश पासपोर्ट मिळाल्यानंतर तो आयपीएलमध्ये खेळू शकतो, असे मानले जात आहे. विशेष म्हणजे IPL च्या पहिल्या सत्रात म्हणजेच २००८ मध्ये पाकिस्तानी खेळाडूंनी भाग घेतला होता.
