प्रो- कबड्डी लीगमध्ये सोमवारी झालेल्या सामन्यात बंगळुरू बुल्सने पुण्याच्या संघावर २९-२७ अशी दोन गुणांनी मात केली. बंगळुरूच्या रोहित कुमारने चढाई करताना मिळवलेल्या आठ गुणांच्या जोरावर बंगळुरूला हा सामना जिंकता आला. पुणेरी पलटणकडून नितीन तोमर आणि मनजित चिल्लर यांनी चढाईचे प्रत्येकी ४ आणि २ गुण मिळवले. रविंदर पहेलने पाच पकडी करत संघाचा पराभव टाळण्याचा प्रयत्न केला. मात्र, त्याला यश आले नाही. बंगळुरूकडून मोहित चिल्लरने सर्वाधिक ७ पकडी केल्या.