सानिया मिर्झा आणि तिची अमेरिकन साथीदार बेथानी मॅटेक-सँड्स यांचे माद्रिद खुल्या टेनिस स्पर्धेतील आव्हान दुसऱ्या फेरीतच संपुष्टात आले. अ‍ॅनास्तासिया पॅव्हल्युचेनकोव्हा आणि ल्युसी साफारोव्हा जोडीने पाचव्या मानांकित सानिया-बेथानी जोडीला ७-५, ६-१ असे नमवले. सानिया-बेथानी जोडीला आठपैकी केवळ दोन ब्रेकपॉइंट्स वाचवण्यात यश मिळाले तर अ‍ॅनास्तासिया-ल्युसी जोडीने त्यांची सव्‍‌र्हिस सहा वेळा भेदली. दुसऱ्या फेरीत पराभव झाल्याने सानिया-बेथानी जोडीला क्रमवारीत १४० गुणांवरच समाधान मानावे लागले. फ्रेंच खुली ग्रँडस्लॅम स्पर्धा सुरू होण्यापूर्वी ही जोडी रोम आणि ब्रुसेल्स या दोन स्पर्धामध्ये सहभागी होणार आहे.
