शुक्रवार ३० जुलै हा टोक्यो ऑलिम्पिक २०२० मध्ये भारतासाठी चांगला दिवस ठरला. बॉक्सिंगमध्ये लोव्हलिना बोर्गोहेनने देशासाठी दुसरे पदक निश्चित केले तर बॅडमिंटनमध्ये पीव्ही सिंधूने उपांत्य फेरीतील स्थान निश्चित केले. दरम्यान, हॉकी टर्फकडून भारतासाठी एक चांगली बातमी आली, जिथे पहिल्या महिला संघाने आयर्लंडचा पराभव करून पहिला विजय नोंदवला आणि आशा जिवंत ठेवल्या. त्याचवेळी, भारतीय पुरुष संघाने जपानला त्यांच्या शेवटच्या गट सामन्यात ५-३ ने पराभूत आणि गट टप्प्यात ऑस्ट्रेलियाच्या मागे दुसरे स्थान कायम राखले. भारतीय संघाने याआधीच उपांत्यपूर्व फेरीत आपले स्थान पक्के केले आहे आणि जपानला पराभूत करून चांगल्या पद्धतीने गट चरण पूर्ण केला आहे. Men's #Hockey: #TeamIndia beat Japan by 5-3#Tokyo2020 | #Cheer4India | #TokyoOlympics pic.twitter.com/FypebHv8yO — AIR Sports TokyoOlympics (akashvanisports) July 30, 2021 भारतीय महिला हॉकी संघाची आयर्लंडवर मात टोक्यो ऑलिम्पिकमध्ये सलग तीन पराभवानंतर भारताच्या महिला हॉकी संघाला पहिला विजय मिळाला आहे. शुक्रवारी झालेल्या गटातील चौथ्या सामन्यात भारताने आयर्लंडला १-०ने हरवले. यासह संघाने उपांत्यपूर्व फेरी गाठण्याची आशा अबाधित राखली आहे. ओई हॉकी स्टेडियमच्या नॉर्थ पिचवर खेळल्या गेलेल्या सामन्यात नवनीत कौरने सामन्याचा एकमेव गोल ५७व्या मिनिटाला केला.