योगस्नेह पद्मासनाचे अनेक प्रकार आहे. बद्ध पद्मासन हा त्यापैकी एक. या आसनामुळे पाय मजबूत होतात. सततच्या सरावामुळे हृदय, यकृत, पोट व फुप्फुसांमधील अशक्तपणा कमी होतो. अपचनाचा त्रास कमी होतो. कृती : पद्मासनामध्ये बसा. या स्थितीमध्ये तुमच्या दुमडलेल्या दोन्ही पायांचे तळवे ओटीपोटाजवळ येतील. उजवा हात तुमच्या पाठीमागे घ्या. त्यानंतर तुमच्या उजव्या हाताच्या पहिल्या व मधल्या बोटांनी उजवा पाय पकडण्याचा प्रयत्न करा. आता डावा हात पाठीमागे घ्या. डाव्या हाताच्या पहिल्या व मधल्या बोटांनी डाव्या पायाचा अंगठा पकडण्याचा प्रयत्न करा. हनुवटी छातीवर टेकवा आणि तुमच्या नाकाच्या शेंडय़ाकडे पाहा. या स्थितीमध्ये स्थिर राहाण्याचा प्रयत्न करा. शांत व दीर्घ श्वास घ्या.