News Flash

गाजर हलवा

साहित्य : १ वाटी मिल्क पावडर, अर्धा किलो गाजर, १ वाटी साखर...

61-lp-foodसाहित्य :

१ वाटी मिल्क पावडर,
अर्धा किलो गाजर,
१ वाटी साखर,
४-५ चमचे लोणी,
२ चमचे तूप,
अर्धा चमचा वेलची पावडर,
१ वाटी दूध.

कृती :

एका काचेच्या भांडय़ात पाणी घेऊन गाजर मायक्रो हायवर १५ मिनिटे ठेवून शिजवून घ्यावी. त्यानंतर सोलून त्याचा कीस करावा. काचेच्या भांडय़ात शिजवलेला गाजर-कीस, साखर, लोणी, तूप, वेलची पावडर, दूध टाकून मायक्रो हायवर १० मिनिटे ठेवावे. त्यावर मिल्क पावडर टाकून मिश्रणास नीट मिक्स करावे. मायक्रो मीडियमवर ३-४ मिनिटे ठेवावे. मिल्क पावडरच्या थोडय़ा बारीक गुठळ्या या हलव्यात लागतील. त्या तुम्हाला खव्याची चव देतील.

59-lp-foodपालक खिमा रोल

साहित्य :

२ जुडय़ा पालक (मोठी पाने धुऊन फक्त देठ काढलेले),
२-३ चमचे तेल,
२-३ केळ्याची पाने,
साधा दोरा,
२ वाटय़ा मटण किंवा चिकन खिमा (तयार असलेला तुमच्या आवडीनुसार),

कृती :

केळ्याच्या पानावर थोडेसे तेल लावून त्यावर पालकची मोठी पाने पसरवून द्यावीत त्यावर तयार असलेला खिमा पसरवून द्यावा. नंतर फक्त पालक व खिमा रोल करावा. केळ्याच्या पानांनी वरतून रोल करावे व दोऱ्याने बांधून घ्यावे. हा रोल मायक्रो मीडियमवर ४-५ मिनटे ठेवावा. वडय़ा कापून सव्‍‌र्ह करावे. हा रोल अगोदर करून फ्रिजमध्येसुद्धा ठेवता येतो.

62-lp-foodव्हेज सुप

साहित्य :

३ ते ४ लिंबाची पाने,
१ वाटी बारीक चिरलेला फ्लावर,
५ ते १० मशरूम (बारीक चिरलेले),
३-४ हिरव्या मिरच्या (बारीक चिरलेल्या),
१ चमचा लिंबू रस,
अर्धा जुडी कोथिंबीर (बारीक चिरलेली),
मीठ चवीनुसार, पाच वाटय़ा पाणी.

कृती :

काचेच्या बाऊलमध्ये पाणी, लिंबाची पाने, हिरवी मिरची, लिंबू रस टाकून ३ मिनिटे हायवर ठेवावे. नंतर त्याच स्टॉकमध्ये बारीक चिरलेला फ्लावर व मशरूम टाकून परत २ मिनिटे हायवर मायक्रो करावे. चीवनुसार मीठ टाकून नीट ढवळून घ्यावे. बारीक  चिरलेली कोथिंबीर टाकून १ मिनिट मीडियमवर मायक्रो करावे. गरम सव्‍‌र्ह करावे.

60-lp-foodचिकन दाल शोरबा

साहित्य :

पाव किलो चिकन (साफ करून लांब कापलेले),
अर्धी वाटी चणाडाळ,
१ चमचा काळीमिरी,
३-४ कडिपत्ता पाने,
१ चमचा जिरे,
मीठ चीवनुसार.

कृती :

एका काचेच्या भांडय़ात डाळ व २ वाटय़ा पाणी टाकून ५ मिनिटे मीडियम मायक्रो करावे. डाळ शिजली नसल्यास अजून मायक्रो करून घ्यावे. चिकनचे तुकडे त्या डाळीत टाकून मायक्रो मीडियमवर परत ३ मिनटे ठेवावे व चिकन शिजवून घ्यावे.

बाऊल बाहेर काढून त्यातले चिकन बाजूला काढावे. शिजलेली डाळ, काळीमिरी, कडिपत्ता पाने, जिरे, मीठ व त्या डाळीतले पाणी मिक्सरमधून बारीक वाटून घ्यावे व परत काचेच्या बाऊलमध्ये ठेवावे. त्यात आपल्या आवडीनुसार जी कनसीस्टनी पाहिजे त्याप्रमाणे पाणी टाकावे. काही जणांना थिक सुप आवडते तर काहींना थिन सुप. आवडते त्याप्रमाणे पाणी व चिकन टाकून ३ मिनिटे मीडियम मायक्रो करावे.

सव्‍‌र्ह करावे. सव्‍‌र्ह करायच्या अगोदर थोडेसे बटरपण टाकू शकता.

63-lp-foodचोको- चिप कुकीज

साहित्य :

दीड वाटी बटर,
पाव वाटी ब्राऊन साखर (साधी साखर वापरली तरी चालेल),
१ अंडे (फेटलेले),
दीड वाटी मैदा (चाळून घेतलेला),
अर्धा चमचा बेकिंग पावडर,
अर्धी वाटी चॉकलेट चिप्स,
अर्धा चमचा जायफळ पावडर,
अर्धी वाटी दूध,

कृती :

एका भांडय़ात बटर, साखर व अंडे टाकून फेटून घ्यावे. हळूहळू दूध टाकून मिक्स करून घ्यावे. मैदा, बेकिंग पावडर, जायफळ व चिप्स नीट मिसळून घ्यावे. हे मिश्रण बटरच्या मिश्रणात टाकून हळुवारपणे मिक्स करावे. हे २०-३० मिनटे थोडे फ्रिजमध्ये ठेवावे. छोटे गोळे बनवून बेकिंग शिटवर ठेवून थोडेसे प्रेस करावेत. मायक्रो हायवर ८-१० मिनटे ठेवावे. थंड झाल्यावर बंद डब्यात भरून ठेवू शकता.

64-lp-foodबटाटा भाजी टोस्ट

साहित्य :

अर्धा किलो बटाटे (उकडून साफ केलेले),
१ चमचा हळद पावडर,
४-५ हिरव्या मिरच्या (बारीक चिरलेली),
२ चमचे जिरे,
अर्धा जुडी कोथिंबीर (बारीक चिरलेली),
२-३ चमचे तेल,
मीठ चवीनुसार,
साधारणत: ८ ब्रेड स्लाइस.

कृती :

एका भांडय़ात बटाटे कुस्करून घ्यावेत, एका पॅनमध्ये तेल, हळद, मिरची, जिरे, मीठ व कोथिंबीर टाकून फोडणी करून ती त्या कुस्करलेल्या बटाटय़ाच्या मिश्रणात टाकावी. थंड झाल्यावर बटाटे व फोडणी नीट मिसळून घ्यावी. हे मिश्रण ब्रेड स्लाइसवर पसरट लावून काचेच्या पसरट भांडय़ात ठेवावे. मायक्रो हाय वर ३-४ मिनिटे व नंतर मायक्रो लो वर २ मिनिटे ठेवावे. त्रिकोणी कापून गरम गरम टोस्ट सव्‍‌र्ह करावे.
विवेक ताम्हाणे – response.lokprabha@expressindia.com

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on February 26, 2016 1:06 am

Web Title: smart cooking 3
टॅग : Cooking,Recipes
Next Stories
1 तिळगूळ पोळी
2 कर्करोगग्रस्त पेशींमध्ये साखरेचे अधिक प्रमाण
3 मद्यपानामुळे किशोरवयीन मुलांमध्ये उच्च रक्तदाब
Just Now!
X