14 August 2020

News Flash

अकोल्यात ६९ कैद्याांसह ८१ जणांची करोनावर मात

आणखी २१ रुग्णांची भर; जिल्ह्यातील एकूण रुग्ण संख्या १८४९

लोकसत्ता प्रतिनिधी
अकोला : जिल्ह्यात आणखी २१ नवे रुग्ण वाढले आहेत. त्यामुळे जिल्ह्यातील एकूण रुग्ण संख्या १८४९ झाली. दरम्यान, आज ६९ कैद्याांसह ८१ जणांची करोनावर मात केल्याने त्यांना सुट्टी देण्यात आली.

जिल्ह्यात करोनाचा प्रकोप सुरूच असून, रुग्ण संख्या वाढीचा वेग कायम आहे. सुदैवाने आजही मृत्यूची नोंद झाली नाही. जिल्ह्यातील एकूण २३० तपासणी अहवाल आज प्राप्त झाले. त्यापैकी २०९ अहवाल नकारात्मक, तर २१ अहवाल सकारात्मक आले आहेत. सध्या ३०८ रुग्णांवर उपचार सुरू आहेत. जिल्ह्यात आतापर्यंत ९१ जणांचा मृत्यू झाला असून, त्यात एका आत्महत्येचा समावेश आहे. आजपर्यंत एकूण १३९१६ जणांचे नमुने तपासणीसाठी पाठवण्यात आले आहेत. त्यात प्राथमिक तपासणीचे १३४७६, फेरतपासणीचे १५७ तर वैद्याकीय कर्मचाऱ्यांचे २८३ नमुने होते. आजपर्यंत एकूण १३७६५ अहवाल प्राप्त झाले आहेत.

एकूण नकारात्मक अहवालांची संख्या ११९३७ तर सकारात्मक अहवाल रॅपिट टेस्टचे २१ मिळून १८४९ आहेत. आज दिवसभरात ८१ जणांना सुट्टी देण्यात आली. पीकेव्ही कोविड केअर सेंटरमधून पाच, सर्वोपचार रुग्णालयातून सात जणांना सोडण्यात आले. जिल्हा कारागृहातील कोविड केअर सेंटर मधील ६९ जण बरे झाल्याने त्यांना सुट्टी देण्यात असल्याचे जाहीर करण्यात आले. त्यांची कारागृहातच स्वतंत्र व्यवस्था व देखभाल केली जात आहे. आतापर्यंत जिल्ह्यातील १४५० रुग्णांनी करोनावर विजय मिळवला.

आज दिवसभरात २१ जणांचे अहवाल सकारात्मक आले. सकाळी प्राप्त अहवालात १३ जण बाधित आढळून आले. त्यात सहा महिला व सात पुरुष आहेत. त्यामध्ये अकोट, बाळापूर प्रत्येकी तीन, बार्शिटाकळी, कृषीनगर प्रत्येकी दोन तर तारफैल, कावसा ता.अकोट व पातूर येथील रहिवासी प्रत्येकी एक रुग्ण आहे. सायंकाळी आणखी आठ जणांचे अहवाल सकारात्मक आले. त्यात एक महिला व सात पुरुष आहेत. त्यामध्ये कंवरनगर येथील चार जण, तर बाळापूर, बोरगाव, सिंधी कॅम्प व मोठी उमरी येथील रहिवासी प्रत्येकी एक रुग्ण आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on July 10, 2020 9:59 pm

Web Title: 81 corona patients cure from corona in akola scj 81
टॅग Coronavirus
Next Stories
1 कोल्हापूर कृषी उत्पन्न बाजार समितीत संचालक मंडळाकडून सग्या सोयऱ्यांची वर्णी
2 मुंबईत ऑगस्टमध्ये करोना नियंत्रणात येईल-हसन मुश्रीफ
3 गणेशोत्सवासाठी सिंधुदुर्गात येऊ इच्छिणा-यांना ७ दिवस अलगीकरण कक्षात ठेवावे !
Just Now!
X