23 September 2020

News Flash

‘जालना जिल्ह्य़ात अकरा टक्के बालकांचा मृत्यू अतिसारामुळे’

जिल्ह्य़ात ५ वर्षांच्या आतील बालकांच्या मृत्यूमागे अतिसार हे प्रमुख कारण असून, ११ टक्के बालके या कारणामुळे मरण पावतात, असे जिल्हाधिकारी ए. एस. आर. नायक यांनी

| July 26, 2014 01:35 am

जिल्ह्य़ात ५ वर्षांच्या आतील बालकांच्या मृत्यूमागे अतिसार हे प्रमुख कारण असून, ११ टक्के बालके या कारणामुळे मरण पावतात, असे जिल्हाधिकारी ए. एस. आर. नायक यांनी सांगितले.
राष्ट्रीय आरोग्य अभियानांतर्गत २८ जुलै ते ८ ऑगस्टदरम्यान जिल्ह्य़ात अतिसार नियंत्रण पंधरवडा राबविण्यात येणार आहे. या निमित्त आयोजित आरोग्य यंत्रणेच्या बैठकीत ते बोलत होते. ग्राम बालविकास केंद्र व बाल उपचार केंद्रांची स्थापना करावी, पाच वर्षांच्या आतील सर्व बालकांची यादी करावी, ‘ओआरएस’ पाकीट वाटप करावे, मातांना शिशु पोषणासंदर्भात मार्गदर्शन करावे आदी सूचना नायक यांनी या वेळी आरोग्य अधिकाऱ्यांना दिल्या. आरोग्य कर्मचाऱ्यांनी प्रत्येक शाळेस किमान तासभर भेट देऊन अतिसार नियंत्रण, कुपोषण आदींसंदर्भात मार्गदर्शन करावे, अशी सूचनाही त्यांनी केली.
अतिसार नियंत्रण, शिशु पोषण आदींसंदर्भात आशा स्वयंसेविकांमार्फत मार्गदर्शन करण्यासाठी केंद्रांची स्थापना करण्यात येणार आहे, असे जिल्हा आरोग्य अधिकारी व्ही. एस. भटकर यांनी सांगितले. जिल्हा शल्यचिकित्सक डॉ. प्रताप जाधव, जिल्हा माता व बालसंगोपन अधिकारी डॉ. ए. आर. गिते, निवासी वैद्यकीय अधिकारी डॉ. शर्मा आदींची उपस्थिती होती.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on July 26, 2014 1:35 am

Web Title: eleven percent children died due to dehydration in jalna district
टॅग Jalna
Next Stories
1 ‘खासदारांचा पराक्रम म्हणजे शिवसेनेच्या मस्तीचा परिपाक’
2 लातूरला आजपासून २१ वे नवोदित साहित्य संमेलन
3 कमी पर्जन्यवृष्टीच्या ४ जिल्ह्य़ांत केंद्रीय पथकाकडून हवाई पाहणी
Just Now!
X