News Flash

लुपिन फाउंडेशनतर्फे महापालिकेला पाच थर्मल स्कॅनिंग यंत्रे

महापालिकेलाही वेगवेगळ्या उपाययोजना करता येणे शक्य

सामाजिक बांधिलकी जपत लुपिन फाउंडेशन या सेवाभावी संस्थेने करोना संकटकाळात नागरिकांच्या वैद्यकीय तपासणीसाठी धुळे महानगर पालिकेला पाच थर्मल स्कॅनिंग यंत्रे भेट दिली. यावेळी उपस्थित महापौर चंद्रकांत सोनार, आयुक्त अजीज शेख, संस्थेचे योगेश राऊत, संदिप झनझणे आदी.   (छाया- विजय चौधरी)

करोनाचा प्रादुर्भाव रोखण्यासाठी विविध संस्था आणि संघटनांकडून महानगरपालिकेला मदतीचा हात देण्यात येत आहे. त्यामुळे महापालिकेलाही वेगवेगळ्या उपाययोजना करता येणे शक्य होत आहे. त्याअनुषंगाने शहरातील नागरिकांच्या वैद्यकीय तपासणीसाठी लुपिन फाउंडेशन या सेवाभावी संस्थेने मंगळवारी महानगरपालिकेला पाच थर्मल स्कॅनर यंत्रे दिली.

शहरात अनेक सामाजिक आणि सेवाभावी संस्था आपापल्या परीने करोना संकट काळात सामाजिक बांधिलकी ठेवत विविध पातळीवर जिल्हा प्रशासनासह महापालिकेला मदत करीत आहेत. लुपिन फाउंडेशन या सेवाभावी संस्थेने महानगरपालिका क्षेत्रातील नागरिकांच्या वैद्यकीय तपासणीसाठी प्रत्येकी सात ते आठ हजार रुपये किंमतींची पाच थर्मल स्कॅनर यंत्रे महापौर चंद्रकांत सोनार, आयुक्त अजीज शेख यांच्याकडे सुपूर्द केली.

याप्रसंगी संस्थेचे योगेश राऊत, संदिप झनझणे, किशोर कुळकर्णी, संदिप कुलकर्णी, उपायुक्त गणेश गिरी, आरोग्य अधिकारी डॉ. महेश मोरे, मुख्य लेखा अधिकारी नामदेव भामरे आदी उपस्थित होते.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on May 13, 2020 12:10 am

Web Title: five thermal scanning machines donated to the municipality by the lupine foundation abn 97
टॅग : Coronavirus
Next Stories
1 सांगलीत ९४ वर्षांच्या आजीची करोनावर मात
2 सातारा जिल्ह्य़ात तिघांना करोनाची बाधा
3 प्रशासनाच्या सतर्कतेमुळे पंढरपूर आजवर ‘करोनामुक्त’!
Just Now!
X