30 November 2020

News Flash

रत्नागिरीच्या ‘पेट शो’मध्ये एक लाख रुपयांचा गोल्डन रिट्रिव्हर

कोकणात प्रथमच होत असलेल्या कुत्र्यांच्या पेट शोमध्ये येत्या रविवारी (२८ एप्रिल) तब्बल एक लाख रुपये किमतीचा गोल्डन रिट्रिव्हर जातीचा श्वान श्वानप्रेमींना बघायला मिळणार आहे.

| April 27, 2013 04:11 am

कोकणात प्रथमच होत असलेल्या कुत्र्यांच्या पेट शोमध्ये येत्या रविवारी (२८ एप्रिल) तब्बल एक लाख रुपये किमतीचा गोल्डन रिट्रिव्हर जातीचा श्वान श्वानप्रेमींना बघायला मिळणार आहे. गेल्या काही वर्षांत रत्नागिरी शहर आणि जिल्ह्य़ामध्ये जातिवंत कुत्रे पाळण्याची आवड झपाटय़ाने वाढली आहे. पण त्यांचे योग्य पालन आणि निगा राखण्याबाबत अज्ञान आढळून येते. ते दूर करून शास्त्रीय पद्धतीने श्वानपालनाचा प्रसार करण्याच्या उद्देशाने येथील समर्थ पेट क्लिनिक आणि एफर्ट जिम यांच्यातर्फे कोकणात प्रथमच हा शो होत आहे. येथील विवेक हॉटेलच्या मैदानावर होणाऱ्या या पहिल्यावहिल्या उपक्रमाबाबत माहिती देताना डॉ. अविनाश भागवत यांनी सांगितले की, रत्नागिरी शहरात श्वानप्रेमींची संख्या मोठी आहे. त्यापैकी अनेकांनी जातिवंत कुत्रे पाळले आहेत. पण एकाच ठिकाणी ते बघायला मिळण्याची संधी नव्हती. या पेट शोच्या निमित्ताने प्रथमच असा उपक्रम होत आहे.   या शोमध्ये डॉबरमन, जर्मन शेफर्ड, लॅब्रेडॉर, लासाअॅप्सो, फॉक्स टेरियर, सेंट बर्नार्ड, सायबेरियन हस्की इत्यादी विविध जातींचे श्वान बघायला मिळणार असून, मुंबईच्या आशुतोष आपटे यांच्या मालकीचा ‘टस्कर’ हा गोल्डन रिट्रिव्हर शोचे मोठे आकर्षण राहणार आहे. देशातील विविध डॉग शोमध्ये पुरस्कार मिळालेल्या टस्करची किंमत सुमारे एक लाख रुपये आहे. या शोमध्ये चाइल्ड हॅन्डलिंग आणि फॅन्सी ड्रेस स्पर्धाही होणार असून शोमधील उत्कृष्ट श्वानांसाठी रोख पुरस्कार ठेवण्यात आले आहेत.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on April 27, 2013 4:11 am

Web Title: golden retriver of one lakh in ratnagiri pet show
Next Stories
1 साक्रीजवळील अपघातात चार ठार
2 सहकारी मोठय़ा प्रमाणात मारले गेल्याची नक्षलवाद्यांची कबुली
3 बारावीचा निकाल वेळेतच लागणार – राजेंद्र दर्डा
Just Now!
X